Grín dagsins - ísöld og steiköld

Fyrst var ísöld í aðsigi, þá steiköld. Ætli niðurstaðan verði ekki sú að ísöldin og steiköldin semji um jafntefli?

Grín dagsins - ríkismiðill stimplaður ríkismiðill

Stjórn fyrirtækisins NPR eða National Public Radio í Bandaríkjunum er ekki sátt við Twitter eftir að aðgangurinn þess var merktur „ríkismiðill“ líkt og gert er við ríkismiðla Rússlands og Kína. Eins og flestum er kunnugt fylgir NPR Demókrataflokknum að málum í einu og öllu og sleppir helst fréttum sem koma flokknum illa. Nú veit ég ekki einu sinni hvort RÚV sé á Twitter. Ef svo er, ætti fyrirtækið tvímælalaust að fá sama stimpil og NPR er nú komið með. 

Grín dagsins

Kostulegt hefur verið að fylgjast með tilraunum ákveðinna aðila að horfa framhjá aukaverkunum af völdum bólusetningar gegn Kóvit-veirunni. Það er ekki affarasælt að vera í afneitun.

Grín dagsins

Juanita Broaddrick sakaði Bill Clinton um nauðgun. Paula Jones og Kathleen Willey sökuðu Bill Clinton um kynferðislegt áreiti. Hillary Clinton var sektuð fyrir að nota fé úr kosningasjóðum sínum til að fjármagna skáldaða skýrslu Christopher Steele um Rússatengsl Donald Trumps. Hillary Clinton braut augljóslega gegn lögum um varnir gegn njósnum með því að geyma ríkisleyndarmál á fartölvu sinni. Þrátt fyrir allt þetta hafa engar ákærur verið birtar. Þegar þegnar lands eru ekki jafnir fyrir lögum er hætta á ferðum.

Grín dagsins

Þeir sem segja ekki alla söguna eru undantekningarlaust þeir sem segja ósatt.

Ný della

Ég er kominn með nýja dellu, að horfa á Sherlock Holmes myndir með Basil Rathbone í hlutverki Holmes. Ég er búinn að horfa á 4 myndir. Greinilegt er að safnið er ekki í eigu sama aðila vegna þess að sumar myndanna er hægt að horfa á ókeypis meðan það þarf að kaupa eða leigja aðrar. Þar sem ég er búinn að horfa á allar myndirnar sem eru innifaldar í áskriftinni minni stóð mér til boða að kaupa hinar á 11 dali stk. eða leigja á 3 dali. Ef maður leigir mynd hefur maður 48 tíma til að klára að horfa á hana. Ég hef lent í því að leigja mynd og ná ekki að klára að horfa. Það er fúlt. Ég nenni því ekki. Ég ákvað að líta á íbei og sjá hvað er í boði þar. Jújú, er ekki safn 14 mynda með Basil Rathbone og Nigel Bruce í hlutverki Dr. Watson til sölu þar á um 45 dali (með sendingarkostn.) sem gera um 3,2 dali stykkið. Ég ákvað að slá til. Diskurinn er ekki dauður úr öllum æðum nema síður sé. Basil Rathbone er frábær í hlutverki Holmes og Nigel Bruce ekki síðri í hlutverki Dr. Watson. Dr. Watson í þessum útfærslum er hálfgerður kjáni; aulabárður (hann er það alls ekki í upprunalegu sögunum). Fyrir vikið er hann bráðfyndinn og kemur þeim í klandur sem Holmes þarf svo að leysa. Handrit myndanna eru færð til samtímans sem eru stríðsárin aðallega (það fer ekki framhjá áhorfandanum). Það er líka áhugavert að sögurnar eru nánast frumsamdar þótt þær sæki efnið til jafnvel tveggja sagna eftir Arthur Conan Doyle. Titlar upphaflegu sagnanna eru yfirleitt frekar óspennandi, ævintýri þetta og ævintýri hitt. Titlar þessara mynda eru grípandi og flottir: Terror by Night, Lady in Green, Dressed to Kill (sá titill var endurnýttur á Brian de Palma-mynd um 1980). Í þessum sögum bregður Holmes sér í ýmis dulargervi við rannsókn mála. Það minnir á dulargervin sem inspector Cluseau brá sér í þegar hann var að rannsaka málin á sinn einstaka hátt. Það er óhætt að mæla með þessum myndum, einkum Dressed to Kill. Það er eins og áhrifin sem persóna Sherlock Holmes hefur á umhverfi sitt endurspeglist í kvikmyndagerðinni. Það leggja sig allir fram um að vera skynsamir, snjallir og glöggir í framleiðslunni.

Ofbeldi Evrópusambandsins

Engin atkvæðagreiðsla fór fram um bann á mentolsígarettum. Þessi tilskipun var troðið upp á okkur af nokkrum frekjum hjá Evrópusambandinu. Engar umræður fóru fram um hvort bann væri réttlætanlegt eða skynsamlegt. Með þessu seilast yfirvöld til meiri valda yfir lífi okkar. Ef frekjurnar komast upp með þetta þá beina þær sjónum sínum að einhverju öðru næst. Ísland á að setja fyrirvara um boð og bönn Evrópusambandsins. Við verðum að halda í sjálfstæðið.

Furðar sig á að banna skuli Salem og bláan Capri

Trump heilkennið á Vísi

Ég veit fátt skemmtilegra en að hlæja að geðbilun þeirri sem heltekur þá sem líkar ekki við Donald Trump fyrrverandi forseta Bandaríkjanna. Blaðamenn Vísis eru með þessa bilun á hæsta stigi. Í fréttinni sem hér fylgir með er fjallað um gámavegg sem búið er að reisa á landamærum Arisóna til að hindra að fólk komi inn í ríkið ólöglega. Í lokin er minnst á landamæravarnir Trump-stjórnarinnar: „Lítið varð þó úr þeim áformum [að byggja vegg á landamærunum] í forsetatíð hans.“

 

Múrinn var kominn í 737 km lengd þegar arftaki Trumps skipaði að hætt skyldi við byggingu hans (með hörmulegum afleiðingum). Það varð með öðrum orðum ekki lítið úr áformum Trumps um að byggja vegginn. Þetta orðalag gefur í skyn að ekkert hafi orðið úr byggingu hans. Lesendur Vísis trúa því eflaust því þeir hafa verið mataðir á eintómum lygum í mörg ár.

Kæra þjóð

Kæra þjóð.

Sérstaka aðgerðin „Útmá nasistafól“

útheimtir að sprengd séu í tætlur

Sjúkrahús, leikskólar, brýr og blokkir

í borginni Maríópól.

 

Sjálfur er ég friðsæll friðarsinni

sem fellir gamalmenni, konur og börn

í þeim tilgangi einum að tæpa á  

takmarkalausri góðsemi minni.

 

Ykkar forseti.

Pestin ríður húsum í Kína

Matt Ridley fer yfir málin í áhugaverðri grein.