Hnakkus

Magga frænka sem einu sinni var fræg á Íslandi fyrir að leika í Sódómu Reykjavík en er nú frægur bloggari og blaðakona með skoðun benti mér á Hnakkus bloggara sem ég leit í kæruleysi á og hreifst mjög af. Ég vil benda lesendum, einkum þeim sem staddir eru í Danskaríki, á Hnakkusinn. Þar er margt fyndið að sjá og lesa. Mikið hreifst ég af þýsku bréfi er reit hann til formanns ÍTR vegna skiltis í laugum um sápunotkun Þjóðverja og Frakka. Yndislegur er stíllinn þýskuskotni á enskunni. „Fáðu þér vinnu hippi“, er líka í mínum anda, enda er ég einarður í þeirri skoðun að skilja eigi að ríki og kirkju. Allir sannir frjálshyggjumenn ættu að taka undir þá kröfu. Niðurlagning styrkjakerfis kirkjunnar og landbúnaðarins eru næstu mál á dagskrá. Spurning um að setja upp háværa klukku í nágrenni Hallgrímskirkju og láta hana gala um leið og ríkisbjallan ætlar allt að æra.

Athugasemdir

[Margrét St Hafsteinsdóttir, 16.6.2007 kl. 01:53]

Skemmtileg skrif hjá þér  Spáðu í hvað væri hægt að gera við alla þessa peninga sem fara í styrki til kirkjunnar og landbúnaðarins! Ég vil aðskilnað ríkis og kirkju og líka ríkis og landbúnaðar.