Sannleikurinn afhjúpast fyrr en síðar

Durham-skýrslan afhjúpar víðtæka spillingu á æðstu stöðum í stjórnkerfi Bandaríkjanna. Obama og aðrir æðstu valdamenn vissu strax sumarið 2016 að ekkert var hæft í ásökunum um samkrull Trumps og Pútíns. Engu að síður létu þau þetta viðgangast (njósnuðu m.a. um framboð hans) með það fyrir augum að skaða og hindra sigur Trumps 2016 og eftir að frúin tapaði skaða sem mest forsetatíð hans og koma í veg fyrir endurkjör. Eitt er að stunda pólitískt leðjukast, annað er að beita stofnunum alríkisins fyrir sig í því skítkasti. Þetta er stóralvarlegur glæpur. Ástæðan fyrir því að enginn sætir ábyrgð eða er í fangelsi er sú að þetta sama fólk er við völd í þessum stofnunum. Það má hann eiga hann Trump að hann afhjúpaði þetta andstyggilega lið. Meðan þetta ástand varir geta Bandaríkin ekki sett sig á háan lýðræðishest gagnvart öðrum þjóðum.

Afglapinn Trudeau

Mesta furða er hve margir halda að aðgerðir stjórnvalda í veirufárinu hafi verið góðar og gildar. Í raun var verið að apa eftir einræðisklíkunni í Kína í stað þess að fara eftir skipulagi sem til var fyrir. Svo kom bólusetningin sem virkaði ekki en átti þó að sprauta í hvern og einn sama hvað tautaði eða raulaði, óháð aldri. Aukaverkanir af þessum óreyndu lyfjum hafa reynst vera skelfilegar, verri en veiran sjálf. Í fyrstu voru þær afgreiddar sem samsæriskenningar og ritskoðaðar og beittar þöggun eftir kokkabókum samfélagsmiðla. Sannleikurinn er núna kominn í ljós, óumdeilanlega. Besta staðfestingin á því er aumkunarverð tilraun forsætisráðherra Kanada til að endurskrifa söguna, ljúga til um gjörðir sínar og fyrirskipanir. Hann sagði nýlega eitthvað á þá leið að hann hafi aldrei fyrirskipað bólusetningar og vel skilið af hverju sumir væru tregir til. Þó eru til myndskeið af honum þar sem hann hefur í hótum við þegna landsins um skert ferðafrelsi og annað. Við verðum að láta þessi herfilegu mistök í viðbrögðum við faraldri okkur að kenningu verða. Draga þá sem vísvitandi réðust í aðgerðir sem vitað var að væru skaðlegar til ábyrgðar og losa okkur við stjórnmálamenn og embættismenn sem brugðust skyldum sínum.

Ritskoðun

Ofbeldi Evrópusambandsins

Engin atkvæðagreiðsla fór fram um bann á mentolsígarettum. Þessi tilskipun var troðið upp á okkur af nokkrum frekjum hjá Evrópusambandinu. Engar umræður fóru fram um hvort bann væri réttlætanlegt eða skynsamlegt. Með þessu seilast yfirvöld til meiri valda yfir lífi okkar. Ef frekjurnar komast upp með þetta þá beina þær sjónum sínum að einhverju öðru næst. Ísland á að setja fyrirvara um boð og bönn Evrópusambandsins. Við verðum að halda í sjálfstæðið.

Furðar sig á að banna skuli Salem og bláan Capri

Trump heilkennið á Vísi

Ég veit fátt skemmtilegra en að hlæja að geðbilun þeirri sem heltekur þá sem líkar ekki við Donald Trump fyrrverandi forseta Bandaríkjanna. Blaðamenn Vísis eru með þessa bilun á hæsta stigi. Í fréttinni sem hér fylgir með er fjallað um gámavegg sem búið er að reisa á landamærum Arisóna til að hindra að fólk komi inn í ríkið ólöglega. Í lokin er minnst á landamæravarnir Trump-stjórnarinnar: „Lítið varð þó úr þeim áformum [að byggja vegg á landamærunum] í forsetatíð hans.“

 

Múrinn var kominn í 737 km lengd þegar arftaki Trumps skipaði að hætt skyldi við byggingu hans (með hörmulegum afleiðingum). Það varð með öðrum orðum ekki lítið úr áformum Trumps um að byggja vegginn. Þetta orðalag gefur í skyn að ekkert hafi orðið úr byggingu hans. Lesendur Vísis trúa því eflaust því þeir hafa verið mataðir á eintómum lygum í mörg ár.

Kæra þjóð

Kæra þjóð.

Sérstaka aðgerðin „Útmá nasistafól“

útheimtir að sprengd séu í tætlur

Sjúkrahús, leikskólar, brýr og blokkir

í borginni Maríópól.

 

Sjálfur er ég friðsæll friðarsinni

sem fellir gamalmenni, konur og börn

í þeim tilgangi einum að tæpa á  

takmarkalausri góðsemi minni.

 

Ykkar forseti.

Pestin ríður húsum í Kína

Matt Ridley fer yfir málin í áhugaverðri grein.

Trump vissi hvað hann söng

Í þessari frétt fer Rita Panahi yfir málin sem ég reifaði í síðustu færslu. Við þurfum nú að horfast í augu við að Trump hafði rétt fyrir sér þegar hann furðaði sig á Þjóðverjum að gera sig svona háða Rússum um orku.

Trump hafði rétt fyrir sér

Hálf hlægilegt er að fylgjast með óupplýstum spyrða Donalt Trump við Vladimir Pútín nú þegar hann hefur sýnt sitt rétta andlit. Trump sagði Pútín „great guy“ við eitthvert tækifæri, líklega eftir að þeir hittust á fundi. Á það hafa kjánarnir stokkið. Sannleikurinn er hins vegar sá að Trump vissi þá og veit nú nákvæmlega hvaða mann Pútín hefur að geyma. Það voru regin mistök hjá Þjóðverjum að gera sig háða Rússum um orku. Á það bendir Trump í þessu myndskeiði. Nordstream gaslögnin var á ís meðan hann var forseti. Um leið og Joe Biden tók við var haldið áfram með þetta vanhugsaða verkefni. Bandaríkin (og heimurinn allur) súpa nú seiðið af því að hafa kosið Joe Biden til forystu. Og það allt á fölskum forsendum. Við verðum að vona að þetta leiði ekki af sér meiri hörmungar en þær sem nú þegar hafa dunið yfir.

Samkennd og skilningur