Úr öskunni í eldinn

Heyrst hafa sjónarmið um að með Evrópusambandsaðild losni Íslendingar við hina meintu spillingu sem hér þrífst. Innganga í sambandið mun síður en svo leiða okkur af braut spillingar, heldur miklu fremur á beinni og breiðari veg til enn meiri spillingar.

Þetta skrifaði Vefþjóðviljinn 2006:

„Tólfta árið í röð hefur Endurskoðunarréttur Evrópusambandsins neitað að undirrita reikninga sambandsins fyrir síðasta fjárlagaár. Athugasemdir Endurskoðunarréttarins snúa að aðildarríkjunum og framkvæmdastjórn sambandsins og snýr gagnrýnin bæði að óreiðu og skipulagsleysi bókhalds Evrópusambandsins. Hluti óreiðunnar er síður alvarlegur og er vegna ófullkominna fylgiskjala en stór hluti óreiðunnar á rætur að rekja til þess að víða er svindlað með miðla Evrópusambandsins eins og alkunna er.“

Það má ef ég man rétt bæta amk. einu ári við þessa tölu.

Sem frjáls og óháður fjölmiðill í eigu öreiga tel ég skyldu mína að halda þessu til haga.

Auglýsing!

Auglýst er eftir skoðun Evrópusambandsins á þeirri hugmynd að Íslendingar taki einhliða upp evru. Evrópusambandssinnar hafa margoft sagt að sambandinu lítist afar illa á einhliða upptöku evru á Íslandi, en hvergi hefur það sést opinberlega að því er best er vitað.

Fundarlaun í boði.

Athugasemdir

[Ragnhildur Kolka, 4.12.2008 kl. 10:57]

Vefþjóðviljinn fylgist greinilega betur með ESB en allir Evrópusinnarnir samanlagt. Síðan 2006 hafa tvö ár bæst við af óundirrituðum reikningum sambandsins.

[Sindri Guðjónsson, 4.12.2008 kl. 17:46]

Sigurgeir, má ég birta þessa auglýsingu á blogginu mínu? (skal geta hver höfundurinn er)

[Sigurgeir Orri Sigurgeirsson, 4.12.2008 kl. 18:23]

Meira en sjálfsagt! Við ættum að efna til söfnunar fyrir heilsíðuauglýsingu í blöðunum.

[Sigurgeir Orri Sigurgeirsson, 4.12.2008 kl. 18:24]

Ég gleymdi að geta þess hver fundarlaunin eru: Það er gönguferð yfir Sprengisand fyrir einn. Nýjasta nýtt í ferðaþjónustunni: Eyðimerkurgöngur.

[Beturvitringur, 5.12.2008 kl. 03:19]

SOS... og þá aðra leiðina?

og einn dag í röð 

[Sigurgeir Orri Sigurgeirsson, 5.12.2008 kl. 09:56]

Báðar leiðir, fram og til baka. Rútan bíður á meðan.