Seinþreyttur til farsældar

Svavar Guðmundsson og Sigurgeir Orri í dulargervum sem Chelsea aðdáendur á Brúnni í leynilegri ferð til Bretlands á vegum ríkistjórnarinnar.

Svavar Guðmundsson vinur minn virðist hafa hrokkið undir óheillastjörnu þetta árið. Ég ætla ekki að rekja ófarir hans fyrir utan þær sem hann lenti í í gær. Hann lagði bifreið sinni við Garðastrætið, beint fyrir framan stöðumælatæki sem prentar út, gegn gjaldi, miða til að setja í framrúðuna. Setur pening í tækið en ekkert gerist. Þá kemur aðvífandi stöðumælavörður sem reynir að laga en án árangurs. Kemst að þeirri niðurstöðu að tækið sé bilað. Fer. Svavar staldrar við hjá mér í um 20 mínútur og þegar hann ætlar að fara er komin sekt á bílinn.

Þetta er dæmigert fyrir Svavar þessi misserin. Ég vona að nýja árið verði honum farsælla.

Athugasemdir

[Hólmdís Hjartardóttir, 6.12.2008 kl. 00:38]

[Svavar Guðmundsson, 8.12.2008 kl. 11:30]

Sæll vinur.  Já stundum er sagt að ýmislegt andstreymi hrúgist upp allt á svipuðum tíma, þannig að gott er að árið er að verða búið.  Andstreymið er lífsins besti skóli.  Ég er ekki í nokkrum vafa um annað en að árið 2009 verði mér afar hagfellt í öllum skilningi og á öllum vígstöðvum.  Það er gott að enda árið með uppskurði á eyra í lok þessarar viku, hugsanlega er þar komin skýringin á "farsæld" minni á árinu 2008, hvað ég heyri orðið illa.

kv. Svabbi

[Sigurgeir Orri Sigurgeirsson, 8.12.2008 kl. 11:39]

Já það er vel hugsanlegt að þú hafir misst eyrað fyrir hlutunum.