Skilaðu ársreikningnum!

Ársreikningar eru sendir til Ríkisskattstjóra í tölvutækuformi á rsk.is eins og lög og skilafrestir gera ráð fyrir.

Svo gerist það skömmu síðar að Ársreikningaskrá sendir bréf og fer fram á að fá ársreikninginn sendan í tölvutæku formi á rsk.is og ef það er ekki gert innan ákveðins skilafrests færðu 250 þúsund króna sekt. Drullusokkurinn þinn.

Spurningin sem þá óhjákvæmilega vaknar er þessi: Getur Ársreikningaskrá ekki bara sótt ársreikninginn sjálf inn á rsk.is? Þetta er sama svæðið, sami aðilinn, bara annað stofnananafn.

Því minna umfang ríkisins, því minni hætta á að svona glórulaus skriffinska vaði uppi.

Svei.

Athugasemdir

[Guðmundur Bergkvist, 19.11.2008 kl. 12:29]

Já það hefur nefnilega sannað sig upp á síðkastið að einkaaðilarnir séu svo rosalega pottþéttir í öllu sem þeir gera.

[Sigurgeir Orri Sigurgeirsson, 19.11.2008 kl. 12:56]

Ekki gleyma að regluverkið var ríkisins og eftirlitið líka.

[Ragnhildur Kolka, 19.11.2008 kl. 13:33]

Þakkaðu fyrir að búa ekki í Bretlandi. Þar heldur ríkið skrár yfir allar athafnir þegnanna; allt frá bóklestri foreldra fyrir börnin sín að lykilorðum að bankareikningum. Og svo skilja þeir þessar upplýsingar eftir á lestarstöðvum, leigubílum og á lystigarðabekkjum. Upplýsingar um hernaðarleyndarmálin eru svo sérstakur kapituli fyrir sig.

Hér týnast gögnin þó bara milli hæða. Vonandi.

[Sigurgeir Orri Sigurgeirsson, 20.11.2008 kl. 09:51]

Bretarnir eru algerir sauðir, og kerfið, hefur maður heyrt frá fólki sem bjó þar, er gersamlega vanað, ekki ósvipað þeim sem nú halda um stjórnartaumana.