Ódýrasti pappírinn er í Bónus

Það er ánægjulegt að sjá að Jóhannes gerir sitt besta til að vera ódýrastur. Lengi hefur hann selt ódýrustu dagvöruna en nú er hann búinn að færa út kvíarnar og er orðinn ódýrasti pappírinn líka.

Því miður virðist herför hans gegn Birni hafa mistekist, því 80% sjálfstæðis manna kaus að virða ákall hans að vettugi.

Munurinn á kynjunum

Hafi einhver haldið að í Miðausturlöndum sé litið niður til kvenna ætti hann að horfa á þessa mynd.

Motturnar á baðinu

Nú þegar kosningarnar eru afstaðnar getur maður aftur farið að einbeita sér að því sem mestu máli skiptir. Um daginn keyptum við mottur í IKEA, ljósbláar kringlóttar mottur. Þar sem þær eru svo ódýrar leyfðum við okkur að kaupa margar, ein sex stykki. Sex mottur á gráu steinflísagólfi baðherbergisins eru skemmtilegt mynstur og hlýlegt. Berir fætur að morgni fá mjúkt undirlag og blautir fætur á leið úr sturtu sulla ekki miklu út um gólfið þökk sé rakadrægum mottunum. Við og við þarf að þvo motturnar og er það lítið mál, þær má þvo á 40° í venjulegri þvottavél. Gamla mottan okkar, sem var hvít og ferhyrnd með rúnnuðum hornum og keypt í Costco í Kaliforníu, þoldi illa þvott. Gúmmíbotninn undir henni (sem hélt henni kyrri á gólfinu) losnaði smám saman af og þurfti ég að tína tægjurnar úr þvottavélinni eftir hvern þvott. Hún var þykk og þægileg ágöngu og kostaði sáralítið. Mestar áhyggjur hef ég af IKEA mottunum okkar að gúmmíbotninn á þeim losni af. Það hefur þó ekki gerst ennþá, þótt Heiðrún hafi þvegið eina um daginn á 60°. Ástæðan fyrir svo háum hita var sú að salernisferð Rökkva (kattarins okkar) misfórst og kom það fram á mottunni. Þegar allar motturnar voru í þvotti var gólfið á baðinu bert. Það var svo skrýtið að sjá bert gólfið. Mér þótti það fallegt líka. Minimalískt. Sem ég er. En þeir sem eru minimalískir verða að sætta sig við bergmál, sem ég geri yfirleitt ekki. Ég vil minimalisma án bergmálsins. Er það til? Svariði nú, póstmódernísku spekingar! Allavega fannst mér gólfið fallegt án mottanna og það var mórallinn í sögunni.

Upplausn.is

„Reynsla Íslendinga af þriggja flokka stjórnum er slæm, svo að ekki sé meira sagt. Engin þriggja flokka stjórn, sem mynduð hefur verið frá stofnun lýðveldis, hefur setið útkjörtímabilið. Nýsköpunarstjórnin féll. Stefanía féll. Vinstri stjórn Hermanns Jónassonar féll. Vinstri stjórn Ólafs Jóhannessonar féll. Ný vinstri stjórn Ólafs Jóhannessonar féll. Ríkisstjórn Gunnars Thoroddsens féll. Á kjörtímabilinu 1987-1991 sátu þrjár þriggja og fjögurra flokka ríkisstjórnir.“

Leiðari Morgunblaðsins í dag

Ég vona að kjósendur hugsi sig tvisvar um áður en x-ið er merkt á kjörseðilinn.

Viðeigandi slóðir

Ég prófaði um daginn að slá inn svifryk.is og lenti þá á heimasíðu íbúasamtaka Miklubrautar. Það er ótrúlegt hvað kemur upp:

sjálfsblekking.is: Júróvisjónsíða Rúv

kjarklaus.is: Hótel Saga – bókunarsíða

launaleynd.is: Bloggsíða Bjarna Ármannssonar

kristinn_hrafnsson.is: Fréttasíða Samfylkingarinnar 

simastaur.is: Blogg Lúðvíks Geirssonar

skattahækkanir.is: Samfylkingin

tunglið_er_úr_osti.is: Vinstri Grænir

álflugvél.is: Íslandshreyfingin

kynþáttahatur.is: Frjálslyndi flokkurinn

elliær.is: Blogg Jóns Baldvins Hannibalssonar

blabla.is: Blogg Össurs Skarphéðinssonar

flýtimeðferð.is: Heimasíða Jónínu Bjartmarz 

Naglinn á höfuðið

"Ekki rugla mig með staðreyndum, ég hef myndað mér skoðun."

Þessa bráðfyndnu setningu fann ég á ágætri bloggsíðu Arndísar hér á Moggansbloggi, en hún er víst ættuð af Barnalandinu. Ég tek undir þetta með orðum Hómers Simpson sem sagði: "It's funny because it's true." 

Þetta spakmæli á við um stjórnmálin sem og trúmálin. Skilin milli stjórnmálaflokka og trúarbragða eru næfurþunn og sums staðar illsjáanleg. Um trúna þarf ekki að fjölyrða; hún krefst þess að þú trúir og spyrjir engra spurninga. Ég ætla nú ekki að skrifa langa ritgerð um stjórnmálin, en segi þó að þótt það blasi við að skoðanir (t.d. VG) sem og gjörðir (t.d. Samf. í Borgarstjórn) sumra stjórnmálaflokka muni setja allt á annan endann í þjóðfélaginu komist þeir til valda, er samt talsverður hópur kjósenda tilbúinn að greiða þeim atkvæði sitt. Stórfurðulegt!

Það minnir mig á setningu sem ég las í morgun: "Fullorðið fólk sem á sér ímyndaða vini er ekki með öllum mjalla."

Þetta á við um trúmálin því hvað er Jesús annað en ímyndaður vinur? Hobbes er ímyndaður vinur Calvins, Jesús er ímyndaður vinur Karls Sigurbjörnssonar, svo dæmi sé tekið. Calvin hefur það sér til málsbóta að vera barn og teiknimyndafígúra. Karl Sigurbjörnsson á sér engar málsbætur. Hann er fullorðinn og þótt hann sé fígúra er hann ekki teiknaður. 

Hræsni

Vinstristjórnin í Bretlandi lagði skatt á flugferðir undir því yfirskini að minnka mengun, þótt þeirra flugfélög úði einungis brotabroti af því ósóni sem verður til við flugferðir. Þeir ættu að líta sér aðeins nær og loka þessum kolaorkuverum og reyna etv. að semja við Íslendinga um raforku um streng frá fallvatns- og  gufuvirkjunum (ef það verður þá nokkurn tíma hagkvæmt).

Vinur verður óvinur
Einu sinni var ósónlagið í útrýmingarhættu og allt gert til að vernda það, úðabrúsar og ísskápar með freoni bannaðir, því það brýtur víst ósónsameindirnar niður. Nú er ósónið orðið að óvini, það er nl. gróðurhúsagas sem samkvæmt kenningunni heldur hitanum á jörðunni. Áður en langt um líður mun Evrópusambandið án efa setja á stofn freonúðunarmiðstöðvar sem úða freoni út í loftið. Fullkominn viðsnúningur á aðeins 20 árum! Hlægileg vitleysa.

Bresk orkuver á meðal þeirra sem menga mest í Evrópu

Besta starf í heimi?

Allir vita hvað aðstoðarmaður við framleiðslu á skyri gerir, hann býr til skyr. En hvað gerir aðstoðarmaður við gerð fullorðinskvikmynda?

Var persónulegri

Ég kíkti í gamni á gamla bloggið mitt (það koma sjö á dag þangað enn!) sem bilaði 17. janúar 2007. Ekki þurfti ég að skoða lengi til að átta mig á að ég var miklu persónulegri á því bloggi en á Moggablogginu. Ég hef sagt það áður að það er meira eins og að skrifa grein í Moggann að blogga á bloggi Mogga en í iblogginu. Mig langar að breyta þessu vegna þess að það er meira gaman og meira gefandi að vera persónulegur. Ég þarf að hætta að hugsa um Moggann sem slíkan og hugsa frekar um þetta sem afkima, sem þetta vissulega er, þótt gervallur netheimur eigi þess kost að líta við.

Við feðgarnir sitjum fyrir framan tölvuna og erum að hlusta á þá sænsku snilld sem Antiloop kallast. Hann er gefinn fyrir tónlist litli gaurinn og hefur það ósjaldan komið sér vel, vegna þess að þegar hann er óvær, grætur mikið, er nóg að spila fallega tónlist. Taktföst lög með háum píphljóðum eru hans eftirlæti. Við höfum til dæmis hlustað mikið á Moon Safari með Air. Sú plata er klassísk og á eftir að lifa lengi. Abba var fyrsta hljómsveitin sem Litli litli dáði, einkum Dancing Queen. Hann steinþagnar ef Dansdrottningin fer af stað. Ég veit ekki hvort sérfræðingar í ungbörnum vita af þessari aðferð, eða mæla með henni. En eitt get ég fullyrt: Hún virkar. Mig langar næstum því til að stofna vefinn ungbarnaland.is með ráðum handa foreldrum með kornabörn. Þau geta nefnilega verið ansi lýjandi fyrir ráðvillta nýbakaða foreldra.

Í lokin langar mig að minna á Spurningu dagsins hér til hægri og myndi gjarnan vilja heyra frá lesendum hvort þeir geti bent mér á ástæðu(r) til að kjósa Samfylkinguna. Þrátt fyrir mikla leit, fann ég nefnilega enga. 

Hvað var sagað?

Ekki vissi ég að veikindi forsetans væru alvarleg, en ef það er eitthvað að marka þessa fyrirsögn Moggans frá því um daginn eru þau mjög alvarleg. Svo alvarleg að það þurfti hreinlega að aflima hann! Þar sem ég hef ekki séð forseta Íslands eftir að hann kom heim af sjúkrahúsinu, veit ég ekki hvað nákvæmlega var sagað af. Einhverjir kynnu að álykta að höfuðið hefði verið sjúki líkamshlutinn sem þurfti að fjarlægja (og þeir hafa talsvert til síns máls), en vegna vondra hliðarverkana er ólíklegt að gripið hafi verið til þeirrar lækningar. Eftir stendur spurningin: Hvað þurfti að saga af forseta vorum? Mér finnst fjölmiðlarnir ekki alveg vera að standa sig í þessu máli.