Með aðalatriðin á hreinu

Er virkilega aðalatriðið við stofnun nýrrar ríkisstjórnar að jafnréttissjónarmiðum sé náð? Þegar jafn erfið úrlausnarefni eru framundan er fráleitt að gera þetta að aðalatriði málsins. Þegar aukaatriðin, án þess að lítið sé gert úr þeim, eru gerð að aðalatriðum, er ekki von á góðu.

Söguleg ákvörðun

Athugasemdir

[Ragnhildur Kolka, 1.2.2009 kl. 18:01]

"Það er ekki aðeins merkur atburður í okkar sögu, heldur líka í sögu jafnréttisbaráttunnar á veraldarvísu“ segir Ólafur Ragnar.

Þörf ÓRG til að strá um sig gullkornum verður sífellt vandræðalegri. Atburður á veraldarvísu! Ómægod. Hefur þjóðin ekki borgað nógu margar ferðir undir rassinn á honum til Indlands til að upplýsa hann um Indíru Gandí og hlutverk hennar í veraldarsögunni. Svo ekki sé minnst á Margréti Thatcher, Goldu Meir, Angelu Merkel og Gro Harlem Brundland. Allt konur sem settu mark sitt á veraldarsöguna. 

Jóhanna er ekki að slá nein veraldarsögumet. Eina metið sem hún slær er að vera fyrsti lesbíski forsætisráðherrann. Hinir teprulegur Íslendingar mega ekki hafa orð á þessari  sérstöðu hennar. Fréttir af því þurfa menn að fá frá frjálsri pressu í útlöndum.

Hér velja menn að tala um jafnréttismál í miðju efnahagshruninu.

[Sigurgeir Orri Sigurgeirsson, 3.2.2009 kl. 21:07]

Ég held að Marteinn sé að misskilja. Forsetinn er ekki hafinn yfir gagnrýni þótt forseti sé. Það að þú takir upp hanskann fyrir hann er dæmi um hversu vel honum hefur tekist að blekkja almenning. Það blasir við að maðurinn er pólitískur loddari. Málefnin sem hann velur sér eru ekki hans hjartans mál, heldur það sem hann telur að gangi best í almenning. Hann minnist ekki á samkynhneigð vegna þess að hann telur það ekki eins vænlegt til vinsælda og að fara með rangt mál um að kona sem forsætisráðherra séu fréttir á heimsvísu. Sem hlutlaus forseti á hann stuðning meirihluta þjóðarinnar, en sem pólitískur forseti á hann stuðning 10-15% þjóðarinnar. Hvort heldur þú að hann sé?

[Gunnar Th. Gunnarsson, 5.2.2009 kl. 05:11]

Þetta með jafnréttið á þessum tímapunkti er algjört aukaatriði og ber vott um populisma. Ef þetta jafnrétti er jafnréttisins vegna, þá er næsta víst að ekki hefur verið valið í stólana eftir hæfnisreglum.

[Sigurgeir Orri Sigurgeirsson, 5.2.2009 kl. 14:04]

Mér skilst að bókin um hann hafi átt að heita Útrásarforsetinn. Segir það ekki allt sem segja þarf?

[Ingvar Valgeirsson, 6.2.2009 kl. 11:25]

Þetta jafnréttiskrapp var líka stórmál þegar bankarnir rúlluðu á haus í haust. Held það hafi bókstaflega verið fyrsta spurning fréttamanns á blaðamannafundi hvort jafnréttissjónarmiðin yrðu ekki í hávegum höfð við ráðningar bankastjóra - enda að sjálfsögðu mikilvægasta atriðið...