Er hagkerfið lent?

Hver kannast ekki við þá nagandi spurningu hvort hagkerfið sé lent? Fyrir þá sem sjá þess engin áþreifanleg merki, sjá bara lífsræksnið ganga sinn vana gang, er þessi bolur. Egozentric™®© er stolt af því að fá að græða á spurulli alþýðunni. Hver og einn hefur sitt að sýsla með í lífinu og má ef til vill ekki vera að því að kanna hvort hagkerfið sé lent eða ekki. Er jafnvel hjartanlega sama, en vill þó sýna hluttekningu og skilning og stuðning við málefnið. Því það er mikilvægt, margur stjórnmálamaðurinn á bágt núna, einkum þeir sem vita að því er virðist, ekkert í sinn haus og eru ekki einu sinni hafðir með á fundum um málefni sem þeir bera þó ábyrgð á. Sumir spyrja eflaust: Er hagkerfið hrapað? Hvar er þá flakið? Er flakið hugsanlega mögulega kannski við höfnina í Reykjavík? Það getur varla verið, þetta er glæsilegur minnisvarði um eyðslu á almannafé til góðra verka. Góðra og gildra verka.

Er hagkerfið lent? Stærð 1-100. Litur: Svartur. Vertu ekki pólitískt viðrini, vertu með á nótunum og krefstu svara. Verð aðeins 7990 krónur. 1% af pökkunarkostnaði fer óskiptur til lestrarkennara Björgvins G. Sigurðssonar.

Athugasemdir

[Ragnhildur Kolka, 12.12.2008 kl. 09:25]

Ef þú ætlar að fá sæmilega færan lestrarkennara, þá held ég þú ættir að hækka prósentuna verulega.

Hinn kosturinn er auðvitað að skipta bara Björgvini út.

[Svavar Guðmundsson, 12.12.2008 kl. 10:25]

þarf ekki einnig kosta fyrir talþjálfun fyrir BGS, og heyrnatæki