Listi Sigurgeirs Orra

Hvort segir það meira um Bretland eða Landsbankann að hann skuli vera á lista breska fjármálaráðuneytisins yfir ríkisstjórnir og fyrirbæri sem beitt er refsiaðgerðum? Starfaði bankinn annars ekki eftir gildandi lögum og reglum í landinu? Var Landsbankinn hugsanlega að undirbúa sprengjuárásir? Studdi Landsbanki Íslands hryðjuverkasamtök? Fróðlegt verður að sjá – fyrir dómstólum – hvernig bresk stjórnvöld réttlæta aðgerðirnar.

Í tilefni af þessu hefur Sigurgeir Orri sett saman lista yfir ríkisstjórnir sem misnota lög og stofnanir í því skyni að hindra samkeppni, slá sér upp og eða breiða yfir eigin vanmátt.

Bretland

Rússland

Simbabve

Súdan

Íran

Hvíta Rússland

Sýrland

Norður Kórea

Míanmar

Að auki er hér listi yfir þá stjórnmálamenn sem hvað minnstir eru á velli þessa stundina.*

Gordon Brown

Mugabe

Vladimir Pútín

Amadínejad

Saddam Hussein

Hugo Chaves

Evo Morales

Fidel Castro

* Yfirstrikaðir eru þeir sem eru ekki lengur á listanum vegna þess að þeir hafa bætt ráð sitt eða hætt í pólitík.

Athugasemdir

[Hólmdís Hjartardóttir, 21.10.2008 kl. 21:41]

Enginn íslenskur stjórnmálamaður?

[Sigurgeir Orri Sigurgeirsson, 21.10.2008 kl. 23:10]

Tillögur?

[Jón Eyjólfsson (IP-tala skráð) 22.10.2008 kl. 00:23]

Sæll Sigurgeir

Ein spurning...Hvernig er að lifa með gjaldþrota skoðunum???

Einræðismenn og illmenni eins og þeir sem þú telur upp, hafa þó það sér til málsbóta að þeir gengu hreint til verks og voru (eða eru) ekki í neinum feluleik með það sem þeir voru (eða eru) að gera, ólíkt þeim mönnum sem þú undirgengst. Ég finn til með þér og öllum þeim sem eru í sömu aðstöðu og þú. Ég hef hitt þig, og spjallað við þig og finnst þú alveg príðilegur náungi. Í þér sannast hið fornkveðna að vegir drottins eru órannsakanlegir.

 mbk

Jón

[Sigurgeir Orri Sigurgeirsson, 22.10.2008 kl. 09:43]

Það má þó greina í þokunni hans Jóns andúð á frjálshyggjunni. Þar er Jón á villigötum því það er einmitt vegna skorts á frjálshyggu, þar sem hver og ein ber ábyrgð á eigin gerðum, sem við erum vondum málum nú. Rót hrunsins má rekja til ríkisverndaðra íbúðalánasjóða vestanhafs sem og aðgerða ríkislaunaðra stjórnmálamanna og ríkisákveðna stýrivaxta (sem er verð lánsfjár). Á Íslandi fór íbúðalánasjóðurinn, ríkisbankinn, fremstur í flokki við að auka þensluna með 90% lánum. Sú skoðun að ríkisumsvif séu af hinu góða er í raun gjaldþrota, ekki skoðanir sem vara eindregið við ríkisafskiptum.

[Sigurgeir Orri Sigurgeirsson, 22.10.2008 kl. 09:47]

Það vantaði framan á athugasemdina vegna annmarka á þessu bloggkerfi.

Ég sagði að það væri synd að segja að Jón gengi hreint til verks í athugasemd sinni eins og sumir einræðisherra sem hann virðist líta upp til og hefur jafnvel gengist undir.

Síðan kemur það sem byrjar á: „Það má þó greina í þokunni hans Jóns...“

[Hólmdís Hjartardóttir, 22.10.2008 kl. 11:13]

Ég ætla ekki að koma með tillögur en traust almennings á stjórnmálamenn er horfið.

Eigðu svo góðan dag.

[Guðmundur Bergkvist, 22.10.2008 kl. 14:17]

Heyrðu bíddu bíddu, hvar eru Bandaríkin???

[Sigurgeir Orri Sigurgeirsson, 22.10.2008 kl. 14:20]

Skammt fyrir vestan Grænland suður af Kanada.

[Guðmundur Bergkvist, 22.10.2008 kl. 21:16]

Á þessum lista góurinn, þar er nú heldur betur ríkisstjórn sem beitir fólk valdi og refsiaðgerðum til að slá sér upp. Það er ekki hægt að líta fram hjá því, sama hversu Ameríkusinnaður maður er.

[Ársæll Níelsson, 23.10.2008 kl. 07:20]

Skammt fyrir vestan Grænland. . . . .hahaha! Skemmtilegur útúrsnúningur.

Annars finnst mér illa farið með Chavez að hafa hann á þessum lista. Skiptu honum út fyrir Bush

[Sigurgeir Orri Sigurgeirsson, 23.10.2008 kl. 10:28]

Listinn er óformlegur og ekki tæmandi. Með honum er ekki verið að réttlæta gerðir Bandaríkjastjórnar í baráttu þeirra gegn hryðjuverkum með vondum lögum.