Evrópusambandsaðild aldrei eins fjarri og nú

Hví skyldu Íslendingar vilja ganga í samband ríkja sem hafa „sýnt okkur fingurinn“ undanfarna daga? Bretar eru í þessu auma miðstýrða tollabandalagi, Íslendingar skulu aldrei, aldrei gefa eftir fullveldi sitt til þessarra heiðursmanna.

Vilji Íslendingar binda trúss sitt við önnur ríki á það að vera á jafningjagrundvelli, ekki með valdaafsali.

Athugasemdir

[Gunnlaugur B Ólafsson, 9.10.2008 kl. 09:45]

1. Eru Bretar sem sagt ekki sjálfstæð þjóð?

2. Lastu ekki fréttablaðið í morgun? Þar sem meldingar koma frá ESB um að það ætti ekki að taka nema nokkra mánuði fyrir Ísland að ná samningum um aðild, ef byrjað væri á að ná viðunandi ákvæði um yfirráð yfir fiskimiðunum.

ESB snýst frekar um lýðréttindi heldur en afsal á fullveldi. Nú er hinsvegar nauðsynlegt að Davíð Oddsson víki úr Seðlabankanum og okkar bestu hagfræðingar fái að stýra stefnunni um hvað ´tryggi besta hagsæld í landinu. Mbk,  G

[Sigurgeir Orri Sigurgeirsson, 9.10.2008 kl. 10:04]

Nei, þeir eru það því miður ekki. Þeir hafa afsalað sér völdum til sambandsins sem þeir tilheyra. Enda sérðu hvernig er komið fyrir sjávarútvegi þeirra.

Þær eru mikilvægari meldingarnar, eða réttara sagt gjörðirnar, sem koma frá sambandinu núna og þær eru skýrar: Við stöndum ekki við bakið á Íslendingum. Heldurðu virkilega að við fáum betra viðmót sem meðlimir? Spurðu Finna og Íra. Það er hver höndin upp á móti annarri. Það kæmi mér ekki á óvart að það kvarnaðist úr sambandinu þegar það rennur upp fyrir mönnum að það snýst eingöngu um að vernda hagsmuni Þýskalands og Frakklands.

Varðandi Davíð Oddsson þá er hann einn af fáum mönnum sem varaði við þeirri hættu sem stafaði af gjörðum frjálsra og sjálfstæðra kaupsýslumanna. Það var hann sem fór í bankann og tók úr inneign sína til að mótmæla ofurlaunum. Ofurlaun sem nú eru tákgervingur fyrir óráðsíuna sem lágir vextir og opinberir húsnæðissjóðir ollu. Etv. er rétt að hengja bakarann fyrir sök smiðsins ef það má verða til þess að þér líði betur.