Veislunni lokið í Bretlandi

Ætli bresku blaðamennirnir sem mæna á Ísland viti af þessu? Þeir eru svo uppteknir við að fylgjast með löskuðu skipi íslenska hagkerfisins að þeir taka ekki eftir að breska skipið er að sökkva undan þeim. 50 milljarða punda björgunarhringur er sem einn björgunarhringur í hafið þar sem stórt, yfirfullt skemmtiferðaskip er að sökkva.

Bankar þjóðnýttir að hluta

Athugasemdir

[V (IP-tala skráð) 8.10.2008 kl. 10:29]

Það er reyndar soldið stór munur á þessum þjóðum, Breska ríkið á allavega séns á að bjarga bönkunum sínum meðan bankakerfi Íslands er 10-15x stærra en landsframleiðsla.

Ísland á líklega eftir að verða skólabókadæmi framtíðar um einstaklega heimskulegar áhættufjárfestingar og ábyrgðarlausa græðgi þar sem stjórnvöld hlógu að öllum varnarmerkjum í margra ára aðdraganda. Þar með beinist athyglin að svo miklu leiti að okkur.

[Sigurgeir Orri Sigurgeirsson, 8.10.2008 kl. 13:00]

Vissulega er stór munur á bolmagni þjóðanna, en munurinn á ástandinu þar og hér er grunsamlega lítill. Óþörf neikvæð umfjöllun breskra blaða hefur án vafa skaðað íslensku bankana verulega.

Fjárglæframennirnir eiga hugsanlega eftir að verða skólabókardæmi, en ég efast um að Ísland sem slíkt komi þar við sögu nema að því leyti að gott lánstraust Íslands var misnotað. Annars er erfitt nú um stundir að meta hvort kom á undan, hænan eða eggið, í þessum efnum. Það verður áhugavert að fylgjast með uppgjörinu þegar moldviðrinu lýkur.