Ósofnir, örvinglaðir útrásarvíkingar

Sérfræðingar sem spretta nú upp eins og gorkúlur á haug fullyrða að seðlabankinn hafi gert mistök með þjóðnýtingu Glitnis en þeir gera ekkert úr þeim skaða sem ósofnir útrásarvíkingar valda með örvæntingarfullu gaspri að bankanum hafi verið rænt, þetta sé samsæri osfrv. Furðu sætir hversvegna þessir ríku menn skrifuðu ekki bara ávísun fyrir upphæðinni sem á vantaði fyrst vandinn var ekki meiri en svo. Lítið ykkur nær, „sérfræðingar“ á launum hjá víkingunum!

„Við erum nú einu sinni víkingar"

Athugasemdir

[Ragnar Benediktsson (IP-tala skráð) 5.10.2008 kl. 10:57]

Menn segja að ekki eigi að horfa í baksýnisspegilinn heldur fram á veginn. Nokkuð til í því, nema hvað þeir hefðu betur horft um öxl þá hefðu þeir ef til vill séð holskefluna sem á eftir þeim æddi, og færði þá og okkur á kaf í efnahagsólgusjóinn. Hverjum það er að kenna og hverjum ekki má leiða líkum að. En fíflinu (fólk er fífl sagði forstjórinn ) sem hélt að honum hefði tekist að nurla saman sem svaraði til 50.000 evrum á síðustu 40 árum. Þegar hann vaknaði í morgunn komst fíflið að því að hann átti ekki nema  25.600 evrur. Þökk sé útrásarvíkingunum og öllum þeim fræðingum sem Súpergaggó á Melonum hefur ungað út undanfarna áratugi og farið hafa með stjórn peningamála ríkisins og fyrirtækja. Furstinn í Svarta kastala er engin undantekning, hann hefur látið sitt eftir liggja.

[animus (IP-tala skráð) 5.10.2008 kl. 13:48]

Æ, er einn stuttbuxna sjálfstæðisdrengurinn, ljóshærður og bláeygður reiður yfir káminu á goðsögninni hans, honum Dabba?

[Sigurgeir Orri Sigurgeirsson, 5.10.2008 kl. 13:58]

Það er ánægjulegt að einhver skuli fyrst nú telja að búið sé að káma út ímynd Davíðs Oddssonar. Aðrar tilraunir, sem eru ófáar, hafa sem sagt mistekist. Til hamingju með það nafnlausi ræfill.

[Guðmundur Auðunsson, 6.10.2008 kl. 15:34]

Þú kemur fram með góðan punkt Sigurgeir. Ef svona auðvelt var að fá 600 milljónir evra, hvers vegna var það þá ekki bara gert? Bankinn vildi taka 600 m að láni frá ríkinu. Það eru yfir 7% landsframleiðslu á ári! Sem sagt, almenningur átti að taka áhættuna en einkaaðilarnir að sitja á ágóðanum. Það sendir enginn gjaldeyrisvarasjóðinn inn í einn banka án þess að fá neitt í staðin. Slíkt væri ótrúleg tilætlunarsemi.