Sigurgeir Orri gagnrýnir Pútín harðlega

Í þrumandi ræðu sem Sigurgeir Orri hélt á Laugardalsvellinum nýlega gagnrýndi hann Pútín Rússlandsforseta harðlega og sagði hann ekkert annað en einræðisherra sem léti myrða andstæðinga sína eða varpa þeim í fangelsi, samanber Önnu Politkovskaiu og Kodorkovski. Einnig sagði Sigurgeir Orri að hann héldi Rússlandi í heljargreipum valdagræðgi sinnar og að Pútín og lagsmenn hans væru í raun glæpaklíka sem stjórnaði landinu eins og það væri fyrirtæki í þeirra eigu. Að nú um stundir snerist allt líf Pútíns um að búa svo um hnútana að hann geti haldið völdunum án þess að þurfa að kveikja í stjórnarskránni. Um miðbik ræðunnar sagði Sigurgeir Orri það skýr merki um einræðistilburði Pútíns að hann hafi skrúfað fyrir alla frjálsa fjölmiðla og félagasamtök og komið í veg fyrir að fylgst væri með komandi kosningum af Öryggisstofnun Evrópu. Lokaorð Sigurgeirs Orra voru: „Herra Pútín, við sjáum í gegn um þig, við þekkjum glæpamenn sem dulbúa sig sem stjórnmálamenn. Gerðu landi þínu það mesta gagn sem þú nokkru sinni hefur gert: Virtu leikreglur lýðræðisins og farðu frá völdum eins og stjórnarskráin segir til um.“

Pútín gagnrýnir Vesturlönd harðlega

Athugasemdir

[Helgi Viðar Hilmarsson, 21.11.2007 kl. 23:17]

Góður.

[Vilberg Olafsson (IP-tala skráð) 23.11.2007 kl. 19:30]

Eg tekki Sigurgeir Orra lika og hans lika, lika. Hann tekkir ørugglega ekki muninn a gædum Russlands og gøllum Bandarikjanna, enda ørugglega bædi olæs og skrifandi. Ad halda tvi fram ad Putin se ad segja folki sinu annad en sannleikann er hvilik hræsni. Eg hefdi viljad vera a Laugardalsvellinum umræddan dag en var i stadinn a Idrætsparken Kaupannahøfn ad hlusta a islenska tjodsønginn. Sigurgeir Orri! tu ert ørugglega einn af teim sem hefur alltaf latid annarra folks skodanir trufla tinar. Hættu ad hugsa og lattu adra segja ter hvad er best.

[Guðmundur Bergkvist, 25.11.2007 kl. 18:16]

Góður, þetta er illmenni. Verst að það er svipaða sögu hægt að segja um vin þinn hann Bússa í Bandaríkjunum. Hann notar bara aðeins þróaðari aðferðir við þetta.