Innri maður Guðjóns sýnir sig

Framkoma Guðjóns Þórðarsonar og sonar hans er einhver sú ömurlegasta sem sést hefur í íslenskum knattspyrnuleik. Það blasir við á myndum að það var einlægur ásetningur Bjarna að skora mark. 

Eftir þetta atvik skilur maður betur hvers vegna frami Guðjóns Þórðarsonar í erlendri knattspyrnuþjálfun var endasleppur. Hann er óheiðarlegur og slíkir menn komast hvorki lönd né strönd. 

Yfirlýsing frá Keflvíkingum

Athugasemdir

[Grétar Ómarsson, 6.7.2007 kl. 10:07]

Sem ÍBVari og hlutlaus aðili í þessu máli vil ég bara segja eitt.

100% sammála þér. Guðjón Þórðarson er SVINDLARI!! og að reyna að réttlæta að gefa Keflvíkingum ekki mark á móti með því að segja

  Eftir háttarlag Keflvíkinga ákváðum við að gefa þeim ekki mark á móti  er bara útúrsnúningur og bölvuð þvæla.

Ég myndi skammast mín fyrir að vera skagamaður þessa dagana. 

[Sigurgeir Orri Sigurgeirsson, 6.7.2007 kl. 10:29]

Eins og þú er ég hlutlaus hvað liðin varðar, held með Breiðablik. Fótboltinn í þessu máli er aukaatriði, svona framkoma er ólíðandi á hvaða sviði þjóðfélagsins sem er, hvort sem það er í íþróttum, viðskiptalífinu, stjórnmálum eða annars staðar.

[Einar (IP-tala skráð) 6.7.2007 kl. 11:22]

Hvort finnst ther omurlegra, ad menn skori svona mark og bidjist afsokunnar. hann segir thetta oviljaverk.

 Eda hopur fullordinna karlmanna (jafnvel fedur og fyrirmyndir) ad elta manninn uppi og reyna ad berja hann og skridtaekla svo slys hljotis af.

Ef barnid thitt kemur heim af leikvellinum thar sem buid er ad berja thad fyrir ad sparka bolta i vitlausa att. Munt thu segja thvi ad thetta se edlilegt og geti sjalfu ser um kennt?

[Jóhann Elíasson, 6.7.2007 kl. 11:37]

Að fjalla um þetta mál er nú að bera í bakkafullan lækinn en ég ætla nú samt aðeins að láta nokkur orð fjúka.  Fyrir það fyrsta ætla menn sér ekki að "skora" þegar skotið er frá miðju vallarins og í öðru lagi þá á markmaður í öllum tilfellum að"eiga" slíkan bolta.  Þetta segir bara það að markmaður Keflvíkinga er bara alls ekki starfi sínu vaxinn.  Og til að enda þetta þá finnst mér nú hafa farið lítið fyrir íþróttaandanum hjá báðum aðilum, þegar þeir fjalla um þetta atvik.

[Grétar Ómarsson, 7.7.2007 kl. 01:57]

Sæll Jóhann, ég sé það á skrifum þínum að þú hefur ekki mikið vit á fótbolta.

Það er sameiginleg regla allra liða á jarðkúlunni að sýna drengskap, kurteisi og virðingu gagnvart hinu liðinu og stoppa sókn eða leik ef td skagamaður lyggur meiddur á vellinum. 

Þegar leikur er flautaður á aftur er ætlast til að sá sem stoppar leik eða Keflvíkingar í þessu tilfelli fái boltann aftur frá Skagamönnum.

Þegar það gerist eiga Keflvíkingar ekki von á sókn frá Skagamönnum og þess vegna er enginn Keflvíkingur tilbúinn að verjast þegar drengskaparreglan er í gildi, eða á að vera í gildi, ekki markmaðurinn heldur.

Að tala um að markmaðurinn sé ekki starfi sínu vaxinn er bara út í hött og ekki svaravert.

  

[Jóhann Elíasson, 7.7.2007 kl. 10:42]

Grétar, ég þarf ekkert á fáfræði þinni í fótbolta að halda og stend við allt sem ég hef skrifað.