Skýringin á alheimshlýnuninni fundin

Í lesendabréfi sem sent var til dagblaðs í Arkansas (Democrat Gazette) var gerð mikilvæg uppgötvun á orsökum alheimshlýnunar.

Það vekur furðu að enginn skuli hafa áttað sig á þessu fyrr. Samkvæmt Snopes.com er þetta ekkert grín, enda Arkansasbúar ekki þekktir fyrir að vera grínarar. Þeir eru meira eins og Hafnfirðingar í huga samlanda sinna og um þá ganga Hafnarfjarðarbrandarar eins og þessi: Tannburstinn var fundinn upp í Arkansas, ef hann hefði verið fundinn upp annarsstaðar, væri hann kallaður tannabursti.

Kemur í ljós við gúglun á neti lýðsins að höfundurinn er lögmaður í Little Rock í Arkansas.

P.s. Þetta er víst grín hjá henni Connie, mér yfirsást það, en var bent á það af lesanda. Takk fyrir það.

Athugasemdir

[Ársæll Níelsson, 2.5.2007 kl. 09:20]

Merkilegt að langskólagengnin kona geti verið svona vitlaus. Í raun jafn merkilegt og að viðkomandi kona geti gengið um án þess að falla um eigin heimsku í öðru hverju skrefi.

[G. Hrafn (IP-tala skráð) 2.5.2007 kl. 17:13]

Hvernig væri að lesa það sem þú linkar á? Þessi kona er snillingur sem skrifar háðsbréf nánast vikulega um allt og alla, það eru fleiri dæmi um djók bréf eftir hana á síðunni sem þú veittir link á.

Já, og Kansas er ekki það sama og Arkansas.

[Sigurgeir Orri Sigurgeirsson, 2.5.2007 kl. 17:33]

Ég las það sem ég linkaði á, þar stendur skýrum stöfum: TRUE (eins og þú væntanlega sást líka). Það kemur fram neðar að þetta sé grín. Nokkuð misvísandi. Gott að þetta var grín en ekki alvara. Takk fyrir leiðréttinguna, það vantaði Ar-ið fyrir framan Kansas. Laga það strax.