Litla lifrin ljóta

Ný barnabók á leiðinni

Sagan sem er lauslega byggð á teiknimyndinni Litla lirfan ljóta, fjallar um ljóta skorpulifur sem á dapra daga í vömbinni á fyllibyttu þar til hún gerir uppreisn og sendir eiganda sinn í meðferð. Þá verður litla ljóta lifrin stór, blóðug, feit og sælleg lifur sem allir elska. Höfundar eru Sigurgeir Orri og Margrét Hugrún. 

Af öðrum bókum sem eru í farvatninu er sjálfstætt framhald skáldsögunnar Gúru Góvinda eftir Gunnar Dal. Mun hún heita Gúrú úrvinda og fjalla um gúrú sem er orðið þreytt á því að vera fullkomið gúrú og langar að vera fullkomið fífl.

Önnur barnabók sem mun slá í gegn
Heiðrún Gígja og Sigurgeir Orri hafa sameinað krafta sína og skrifað glænýja barnabók sem ber heitið Bumbi og Rassa og fjallar um hjón sem setja í sífellu út á hvort annað og skilja svo. Loksins raunveruleg barnabók um raunverulega hluti en ekki kjaftæði sem engin fótur er fyrir. Svæfir börnin strax á fyrstu síðu.

Tímabær ævisaga 
Grenja, drekka, bleyja, sofa er heiti 1. bindis ævisögu Litla litla Orrasonar. Á 359 síðum er sögð ævisaga þessa merka barns frá fæðingu til fimm vikna afmælisins.

Athugasemdir

[magga hugrún (IP-tala skráð) 29.4.2007 kl. 22:10]

Þetta er fyndnasta mynd sem ég hef séð! Omg

[Kallaðu mig Komment, 29.4.2007 kl. 23:14]

Já, þetta er snilldar mynd. Þið virkið báðir nokkuð syfjulegir. :) Vonandi helstu vakandi á Liverpool-Chelsea...

[Berglind Steinsdóttir, 30.4.2007 kl. 14:08]

Téhéhé, ég hélt í heila mínútu að ég væri að lesa alvörufréttatilkynningu um aðsteðjandi bækur. Ég ætla hins vegar núna að halda áfram að hlæja, a.m.k. til kvölds, að þessum bókalýsingum.

Kumr kumr.

[Margrét St Hafsteinsdóttir, 6.5.2007 kl. 19:07]

Myndin er meiriháttar  og pistillinn skemmtilegur

[Ásta Óskarsdóttir (IP-tala skráð) 6.5.2007 kl. 23:07]

Frábær mynd af ykkur feðgum.

[Sigurgeir Orri Sigurgeirsson, 7.5.2007 kl. 23:15]

Takk fyrir falleg orð. Já þessi mynd er fyndin, ég viðurkenni fúslega þótt ég sé sjálfur á henni. Hún minnir mig á brandara með Gary Larson, veit ekki hvaða brandara eða hvers vegna. Það er bara eitthvað kómískt við bakhlutann á barninu.