Kýs ekki Sjálfstæðisflokkinn

vegna sjónarmiða Gunnars J. Birgissonar og Ármanns Ólafssonar um að eina leiðin til að efla almenningssamgöngur sé að útbúa sérstakar forgangsakreinar fyrir strætisvagna. Það er galin hugmynd vegna þess að fyrirsjáanlegt er að bílum mun fjölga mjög í framtíðinni og ef akreinum verður fækkað svo strætó fái nægt pláss mun öngþveitið bara aukast. Fyrir utan að strætó er mjög lengi á milli staða þó göturnar séu auðar. Það er farinn stór hringur og stoppað á fjölmörgum stöðum. Sérstakar akreinar fyrir stræisvagna er tálsýn sem aðeins mun tefja fyrir og skerða lífsgæði okkar.

Miðað við hve höfuðborgarsvæðinu er naumt skammtað fé á samgönguáætlun er ekki nokkur von til þess að sérstakar akreinar fyrir strætisvagna verði lagðar (fyrir utan plássleysi) án þess að tekið verði af þeim akreinum sem fyrir eru. Þetta vita Gunnar og Ármann. Þeir vita líka vel að strætisvagnar eru umhverfissóðar. Orkusóun á hvern farþega með strætó er miklu meiri en á hvern farþega með fólksbíl. 

Svo virðist sem strætisvagnarnir hafi þyrlað upp svo miklu svifryki að Gunnar og Ármann sjá ekki lengur hversu bjánalegt það er að ætla að auka rými strætó á kostnað fólksbílsins.

Ætli ég verði ekki að láta utanríkismálin ráða atkvæði mínu í vor. 

Athugasemdir

[Heimir Lárusson Fjeldsted, 7.3.2007 kl. 17:14]

Alveg hárrétt hjá þér. Fólk statt á Lækjartorgi sem ætlar í Kringluna eða Mjóddina svo dæmi séu tekin á erfitt með að sjá hagræðingu í því að ara fyrst vestur á Mela til aðkomast leiðar sinnar.

Margir halda ennþá að margar leiðir séu styttri og fljótfarnari.

En veistu eitt,hjá Strætó er biðstöðin við Stjórnarráðið (Hverfisgata neðst) ekki til?

Verkfræðingunum sem hönnuðu leiðakerfið sást yfir þessa biðstöð fyrir leið 12 ásamt tveimur öðrum biðstöðvum.

[Sigurgeir Orri Sigurgeirsson, 11.3.2007 kl. 11:06]

Skipulagning almenningssamgangna og skynsemi virðast vera eins og dagur og nótt, þurfa á hvort öðru að halda en geta ekki hist.