Á eigin ábyrgð

Glæsileg niðurstaða þetta hjá argentínska réttinum. En sorglegt að það þurfi sérstakan dóm til að benda á það sem augljóst er: Að fullorðið fólk sé frjálst til að taka ákvarðanir um eigið líf án afskipta ríkisins. Þið sem teljið ykkur sjálf þess umkomin að segja mér hvað sé mér fyrir bestu, leggið við eyrun. Ykkur kemur það nefnilega ekki við. Ef þið viljið bæta heiminn, byrjið þá á sjálfum ykkur. Þið vitið full vel hvað bjátar á í ykkar lífi. Nú er bara að herða upp hugann, horfast í augu við vandann og hætta að umbreyta afneituninni í afskiptasemi og frekju gagnvart öðrum. Allra síst nota afsökunina um velferð barna sé í húfi. Ef það er tilfellið, lesið þá aftur fréttina. Um er að ræða fullorðið fólk.

Hæstiréttur Argentínu úrskurðar í maríjúanamáli

Athugasemdir

[Gunnar Th. Gunnarsson, 26.8.2009 kl. 09:16]

Að berjast gegn þessu með því að stimpla neytendur sem glæpamenn er auðvitað út í hött. Forvarnarstarf er eina réttmæta leiðin.

Hitt er barátta við vindmyllur.... mokstur í botnlausa tunnu. Skelfileg peningasóun.

[DoctorE (IP-tala skráð) 26.8.2009 kl. 10:09]

Spurningin er hvort íslenska ríkið verði síðasta ríki heimsins til að samþykkja svona... alveg eins og með bjórinn.
 Eiturlyfjastríðið er heimskulegasta og kostnaðarsamasta stríð(Bæði í lífi og peningum) sem herjað hefur síðustu áratugina.
Aðeins púra fávitar vilja halda þessi stríði áfram í núverandi mynd.. ég heyrði í Geir Jóni(minnir að það hafi  verið hann) þar sem hann sagði að rammi refsinga fyrir fíkniefni væri sprunginn.. að það þyrfti að herða dóma.
Menn sem tala svona eru ekki hæfir í starfið... þeir eiga að segja af sér með skömm

[Sigurgeir Orri Sigurgeirsson, 26.8.2009 kl. 13:04]

Það minnir mig á þær þúsundir manna sem hafa verið drepnar í Mexíkó bara á þessu ári. Hversu mörgum mannslífum er verjandi að fórna í þessari baráttu?

[Ragnhildur Kolka, 26.8.2009 kl. 14:15]

Stjórnarskráin á að vernda fólk fyrir ofríki ríkisins. Hér skortir ekki bara virðingu fyrir sjálfsákvörðunarrétti manna heldur líka virðingu fyrir stjórnarskránni. Við munum þurfa að bíða lengi eftir því að samfélagsverkfræðingarnir átti sig á þessu. 

Svona rétt til að bæta í umræðuna minni ég á eilífan barning þeirra sem vilja banna fullorðnu fólki að kaupa kynlífsþjónustu. Sala skal þó vera heimiluð. Hvaða endemis rugl er í kollinum á fólki sem vill leyfa sölu en banna kaup. Það þarf tvo til að af viðskiptum geti orðið.

Ekki að undra að helstu talsmenn þessa málstaðar eru jafnframt talsmenn sjálfsþurftarbúskap.