Alfreð Elíasson og Loftleiðir frumsýnd 8. maí í Kringlubíó

Góðir farþegar, velkomnir um borð í flugvél Loftleiða, vinsamlega spennið sætisólarnar, hafið poppið og kókið tilbúið og munið að þetta er ævintýraferð sem fjallar um samheldinn hóp sem gafst aldrei upp þótt á móti blési og gerði Loftleiðir að mesta viðskiptaævintýri Íslands á 20. öld. Athugið að á leiðinni tekur vélin tilfinningadýfur, upp í hæstu hæðir og niður í hyldjúpt svartnættið. En Örvæntið eigi. Loftleiðaandinn lifir!

Athugasemdir

[Hilmar Gunnlaugsson, 27.4.2009 kl. 21:06]

Þakka þér fyrir þessa áminningu Sigurgeir.

[María (IP-tala skráð) 5.5.2009 kl. 09:48]

Hæ.  Sá viðtal við þig á visi.is. Vildi benda þér á leikritið Norway.today út af handritinu um unglingana sem þú ert að skrifa. http://www.leikhusid.is/Pages/606

Kv. María

[Sigurgeir Orri Sigurgeirsson, 7.5.2009 kl. 15:02]

Kærar þakkir fyrir þetta María, ég var búinn að heyra af þessu leikriti, en er ekki búinn að sjá það. Ég myndi gjarnan vilja lesa það ef þess er kostur. Ég man að ég hugsaði með mér þegar ég las fréttina um þessi ungmenni að þetta gæti verið efni í kvikmynd. Nokkrum árum síðar var ég í göngutúr í Ásbyrgi og gekk fram á klettabrúnina í botninum. Þá eins og kviknaði ljós: Hérna gætu þau stokkið! Síðan skrifaði ég handritið með klettinn í Ásbyrgi sem áfangastað. Þau sem sagt ferðast yfir Ísland.

[Egill Þorfinnsson (IP-tala skráð) 8.5.2009 kl. 11:19]

Ég var viðstaddur forsýningu myndarinnar um Loftleiði og er hún öll hin vandaðasta. Alfreð Elíasson var einn merkasti brautryðjandi í flugmálum Íslendinga og þó víðar væri leitað.  Þessi maður vann hvert þrekvirkið á fætur öðru með útsjónarsemi og dugnaði.  Einhverjum kann að þykja myndin hlutdræg á köflum en það er hún ekki. SANNLEIKURINN er sagður í myndinni þó að sumum finnist hann eflaust sár.  Enn í dag skil ég ekki hvernig óvandaðir ráðamenn með Eimskip hangandi í pilsfaldinum gátu "rústað" fyritæki og menn.  Skömm sé þeim sem notfærðu sér veikindi Alfreðs og boluðu honum út úr hans eigin fyrirtæki.

Egill Þorfinnsson