Vinstri grænt lýðræði

Hver kannast ekki við misbrest þegar kemur að því að velja rétta fólkið til starfa? En ekki lengur. Nú er komin skotheld aðferð við að velja á lista þar sem kynið er sett í öndvegi og aukaatriðin, eins og til dæmis hæfileikar, eru látin lönd og leið. Egozentric™®© er stolt af því að kynna bestu aðferð í heimi við að mismuna engum á grundvelli þess hvað er í klofi hans. Að vísu eru gerðar undantekningar á þessari reglu, en það er allt í nafni lýðræðisins. Ef til dæmis röng píka lendir í röngum stað færist hún á sinn rétta stað og verður þannig rétt samkvæmt lýðræðislegu vali forystunnar.

Vinstri grænt lýðræði. Stærð 1-100 litur rauður. Nú er í tísku að vera sósíalisti eftir að ríkisstyrkta- og ríkisábyrga nýfrjálshyggjan leið undir lok. Taktu þátt í nýju bólunni, vertu sósíalisti, kommúnisti eða jafnvel bara galinn. Skiptir ekki máli, aðalatriðið er að vera pólitískur. Verð aðeins 50 dalir. 

Athugasemdir

[Hilmar Gunnlaugsson, 11.3.2009 kl. 18:05]

Við skulum nú ekki vera að klæmast Sigurgeir minn en ég tel kynjakvótann vera mikilvægan til að rétta lakan hlut kvenna í stjórnmálum frá stofnun lýðveldisins en passa þarf einnig upp á að jafnréttið virki í báðar áttir og hvorugu kyninu sé mismunað.

[Ragnhildur Kolka, 11.3.2009 kl. 18:25]

Ég er ekki sammála Hilmari hvað þetta varðar. Vilji fólk vera í pólitík eða einhverju öðru, þá á það að takast á um það, vegna þess að það er eftirsóknarvert, en ekki að láta afhenda sér það eins og ölmusu.

Sigurgeir, leiðbeindu mér. Ég hélt það væri Samfylkingin sem stundaði tilfærslurnar, sbr. margumræddan ísbjarnabana sem enginn hefur viljað en ávalt hlotið hnossið. Og ég sem hélt að VG ætlaði að vera með kynhreinan lista hér í Reykjavík. Seg mér, seg mér?

[Sigurgeir Orri Sigurgeirsson, 11.3.2009 kl. 19:20]

Þetta rennur svolítið saman. Fléttulýðræðið fléttast inn í báða þessa lýðræðislegu flokka. Nýlegir bolir, sagði aðalhönnuðurinn mér, endurspegla þá lýðræðisþróun sem verið hefur innan flokkanna síðkastið.

Þetta segir Gunnar Hjálmarsson bloggi sínu: „En VG, já. Ánægjulegt að sjá hressar konur raða sér í efstu sætin. Nú er kynjakvótinn frekar hlægilegur. Sérstaklega ef óspennandi menn eiga að fara að græða á honum á kostnað mun meira spennandi kvenna.“

Ég fylgist eins illa með stjórnmálum og mér frekast er unnt. En þetta bendir til þess að hér sé um einhverskonar fléttulýðræði að ræða.

[Sigurgeir Orri Sigurgeirsson, 11.3.2009 kl. 19:26]

Aðalhönnuðurinn bað mig að skila því til allra viðkomandi að ef einhverjar villur leynast á bolum hans, er honum ánægjan ein að leiðrétta ekkert og láta sem ekkert sé á meðan salan er góð.

[Sigurgeir Orri Sigurgeirsson, 11.3.2009 kl. 19:26]

Er þá VG hætt við að viðhafa typpi píku lýðræði?

[Ragnhildur Kolka, 11.3.2009 kl. 20:34]

Hver þarf féttulista þegar þessar frábæru píkur eru tilbúnar að fórna sér og málstaðnum fyrir þingsæti?

[Helena Sigurbergsdóttir (IP-tala skráð) 11.3.2009 kl. 23:50]

Sæll, þetta kemur þessari umræðu ekki við en ég var að leita af mynd af Kópavogshæli og það flottasta sem ég fann var bolur frá þér, sem ég stal til að nota á http://www.facebook.com/profile.php?id=1212831596&ref=profile#/group.php?gid=56854149167&ref=mf

þú verður að hafa samband við mig ef þú hefur eitthvað við það að athuga :)

kveðja Helena