Mikil viðurkenning

Það er sem sagt í fína lagi að hryðjuverkalögum sé beitt á Ísland. Voru þessi lög ekki annars sett gegn hryðjuverkum? Beiting þessara laga var ekkert annað en misnotkun á valdi og sýnir hve hættulegt það er að eftirláta stjórnmálamönnum völd. Um leið og þeir geta, misnota þeir þau. Mannréttindadómstóllinn er ef til vill ekki rétti stóllinn til að dæma um þetta mál, en siðferðislega hafa Bretarnir gert upp á bak og rúmlega það. Hvurslags dómadagsvitleysingur myndi annars beita hryðjuverkalögum á Ísland? Það er ekki annað hægt en hlæja að þessu. Upphæðirnar sem um ræðir og Bretarnir vour hræddir um að færu úr þeirra umdæmi í eitthvað annað eru óverulegar. Við erum örþjóð! Við erum 300 þúsund! Þetta sýnir betur en nokkuð annað hve getulaus stjórnvöld á Bretlandi eru. Verkamannaflokkurinn er systurflokkur Samfylkingarinnar (þótt hún vilji ekki kannast við það núna). Samfylkingin lætur smámálin vera aðalmálin og klúðrar því sem máli skiptir. Þau setja sig á háan hest þrátt fyrir að allt hafi hrunið á þeirra vakt. Húrra fyrir þeim. Skoðanakönnunin sagði að við værum á réttri leið. Hvað gerðist?

Hætt við málssókn gegn Bretum

Athugasemdir

[Ragnhildur Kolka, 25.2.2009 kl. 14:38]

Það sem gerðist var það sem menn i Bretlandi óttuðust allar götur frá því að hryjuverkalögin voru sett, þ.e. að þeim yrði beitt í alls óskyldum málum. Á grundvelli þess á að sækja málið í Bretlandi.

Fullt af lögmannsstofum eru, eflaust, boðnar og búnar að keyra á það. Bretar eru nefnilega enn meðvitaðir um persónufrelsi sitt, þrátt fyrir 12 ára setu Verkamannaflokksins í ríkisstjórn.