Íbúðalánasjóðurinn er ein af meginástæðum bólunnar sem sprakk

Guðni Ágústsson virðist ekki gera sér grein fyrir þeim skaða sem Íbúðalánasjóður ríkisins hefur valdið þjóðinni. Sjóðurinn er ein af meginástæðunum fyrir þeirri hrikalegu verðbólu sem varð til á síðustu 3-4 árum. Um þetta ritaði ég nýlega færslu.

ÍLS átti að fara í söludeildina eða sláturhúsið

Athugasemdir

[TBEE (IP-tala skráð) 15.11.2008 kl. 16:24]

rangt, einkavinavæddu Bankarnir var meginástæðan

[birgir (IP-tala skráð) 15.11.2008 kl. 16:50]

Ertu ekki í lagi. Það er von að allt sé í kalda koli ef margir sjá hlutina á hvolfi þó á réttum kili séu.

[Magnús Guðjónsson, 15.11.2008 kl. 17:12]

Hverslags endemis vitleysa er þetta, 90% lán að hámarki 16 milljónir eins og var ákveðið á þeim tíma gat nú varla sprengt upp verðið, þessi ráðstöfun gat hinsvegar hjálpað venjulegu fólki að eignast íbúð, það virðist mörgum fyrirmunað að skilja.

Kv.

Magnús

[kk (IP-tala skráð) 15.11.2008 kl. 17:23]

Því líkt kjaftæði að kenna íbúðalánasjóði um.   Það vita allir sem vita vilja að koma einkabankanna inn á íbúðalánamarkaðinn 2004 sprengdi allt upp með lánum sem ekkert hámark var á og ekkert mál að endurfjármagna án þess að skipta um húsnæði.

Annað er sögufölsun.

[Maron (IP-tala skráð) 15.11.2008 kl. 17:25]

Þó staðan í þjóðlífinu sé slæm núna þá væri hún ennþá hrikalegri ef Sjálfstæðismenn hefðu náð að leggja ÍLS niður eða gera hann að einhverri skúffustofnun. 

Þeir sem eru ennþá að hnýta í ÍLS hljóta i besta falli að vera illa veruleikafyrrtir. 

[Sigurgeir Orri Sigurgeirsson, 15.11.2008 kl. 22:02]

Þeir sem mótmæla þessu, þekkja ekki staðreyndirnar. Það var Íbúðalánasjóður ríkisins sem lánaði bönkunum, einkabönkunum, það fé sem þeir svo lánuðu til fasteignakaupa í keppni við Kaupþing þegar sá banki hóf að bjóða íbúðalán 2004. Samtals lánaði sjóðurinn Landsbankanum og Glitni (og hugsanlega Sparisj.) 100 milljarða. Það þarf engan sérfræðing til að sjá að þessi mikla aukning á lánsfé hafði mikil þensluáhrif á markaðinn. Það er að sliga margar fjölskyldurnar í dag, fjölskyldur sem keyptu fasteignir á óeðlilega háu verði. Lágmarkskrafa er að Framsóknarmenn, sem og aðrir, geri sér grein fyrir þessu. Ekki mikil einkavinavæðing þarna, miklu frekar gamla sorglega sagan um ríkisafskipti með tilheyrandi óheilbrigðu inngripi í markaðinn.