Prinsippmanneskja

Ingibjörg Sólrún Gísladóttir utanríkisráðherra sagði í viðtali við Morgunblaðið um daginn að Samfylkingarmenn  væru „þeirrar skoðunar að fyrrverandi pólitíkusar eigi ekki að vera í forystu fyrir seðlabanka. Þetta er prinsippafstaða hjá okkur og hefur komið fram oftar en einu sinni og oftar en tvisvar.“

Af þessu tilefni hefur Egozentric™®© sett á markað nýja hönnun sem leggur áherslu á góðu gildin í lífinu. Mikilvægt er að prinsippfólkið sé framan á bolum, öðrum til áminningar. Aðrir sem eru ekki eins miklir prinsippmenn, eins og til dæmis Jón Sigurðsson, fyrrverandi pólitíkus, varaformaður stjórnar Seðlabanka Íslands og formaður stjórnar Fjármálaeftirlitsins skipaður af viðskiptaráðherra Samfylkingarinnar, þurfa gott fordæmi og leiðsögn svo þeir falli ekki úr prinsippfarinu.

Prinsippmanneskja. Litur: Bleikur og rauður. Stærð 1-100. Sýndu að þú sért prisippmanneskja sem hefur prinsippin í heiðri. Ekki vera prinsipplaus tækifærissinni sem gengur á bak orða þinna og hleypur frá skuldum. Verð aðeins 8999 kr.

Athugasemdir

[svavar Gudmundsson (IP-tala skráð) 9.11.2008 kl. 23:33]

Mikið rétt og hárrétt athugasemd og bara nokkuð sexý bolur. Því er ég er til í greiða fullt verð fyrir þennan kynþokkagóða bol, en ég vil bæta aðeins við hann (minn bol) Prinsippmanneskja án prinsipps!!!!!!