Dýrkeypt mistök

Egozentric Designs™®© París, London, Mílanó, New York, Tokyo gerði þau mistök í viðskiptum nýlega – þau fyrstu í sögu stofunnar – að treysta heimildum. Þau voru svo sannfærandi rökin og allur vísindaheimurinn, sá yfirlesni amk., söng í einum kór að þetta væri staðreyndin. Þess vegna lét Egozentric Designs™®© framleiða 1 milljón þonga, og 1 milljón bróka með skilaboðum sem sannarlega áttu að falla í kramið hjá þeim sem trúa því að heimurinn sé að hlýna vegna sóðaskapar manna og vilja berjast gegn því. Salan var dræm og þegar farið var að kanna hvers vegna, kom í ljós að hitastigið er ekki að hækka í heiminum heldur lækka. Hver fer upp á Hellisheiði að mótmæla hlýnun í þonginu einu fata ef það er raunverulega að kólna? Aldeilis kaldhæðnislegt að verða úti við mótmæli gegn hlýnun og Egozentric Designs™®© vill ekki bera ábyrgð á því. En kuldi er „An inconvenient truth“ og blaðrið um hlýnun af mannavöldum er í raun eitt allsherjar „Assault on reason“. Egozentric Designs™®© komst að þessu of seint, en þó ekki of seint. Mótleikurinn er stórkostlegur, undir nýju undirmerki – 67° norður – verður sett á markað lína sem byggir á grunni boðskaparins um hlýnun af skítugum mannavöldum. Ástæðan fyrir því er einföld. Margir trúa boðskapnum enn, þótt ótrúlegt megi virðast, og því enn möguleiki á ofsagróða. En ofan á grunninum er reist ný höll, peningamylluhöll, fatalína sem snilldarlega praktísk, einföld, klassísk, þjóðleg og vænleg til afraksturs. Eins og áður eru skilaboð fólgin í hönnuninni sem sumir kynnu að telja mótsagnarkennd, en svo djúpt í árinni vill aðalhönnuðurinn ekki taka. Aðalatriðið er að trúa málstaðnum sama hvað helvítis staðreyndirnar segja.

Berjumst gegn alheimshlýnun. Stærð 1-100. Verð 35.000.

Fight global warming. Stærð 1-100. Verð 35.000.

Athugasemdir

[Geir Ágústsson, 18.7.2008 kl. 19:48]

Þetta lýst mér vel á. Núna þurfa hipparnir ekki að frjósa á Austurvelli þegar þeir mótmæla "hlýnun jarðar" í roki, rigningu og snjókomu.

[Hjálmtýr V Heiðdal, 19.7.2008 kl. 10:55]

Sæll Sigugeir Orri

Skemmtileg fyrirtæki þetta Egozentric Designs™®© París, London, Mílanó, New York, Tokyo.

En nú er ég búinn að athuga gluggamálin í Svíþjóð og koma við í Mora.

Það eru a.m.k. 15 gluggastærðir leyfðar í Sverike og það mál því úr sögunni.

Ver fór í Mora þar sem ég kom þar á helgum degi og Moramenn ekki viðlátnir.

Nánari athugun á stóra kranamálinu bíður því betri tíma. Þeir sem ekki skilja þessar vangaveltur geta séð færslur á bloggi Sigurgeirs þ. 18. júní.

[Hólmdís Hjartardóttir, 19.7.2008 kl. 11:07]

[Sigurgeir Orri Sigurgeirsson, 19.7.2008 kl. 15:39]

Þakka þér fyrir hlý orð í garð Egozentric Designs™®© París, London, Róm, New York, Tokyo.

Mér finnst nú undarlegt að það séu yfirleitt einhverjar hömlur á gluggastærðum, hvort sem þær eru 2 eða yfir 15. Ef ég væri að byggja hús í Svíþjóð og vildi hafa td. 1,6 m breiðan glugga á veggnum væri ég að brjóta reglur vegna þess að leyfileg stærð er td. 1,5 m. 

Leitt að það skyldi vera lokað í Mora, ég hefði endilega viljað heyra í þeim varðandi stillingarnar á krönunum. Þetta er í raun efni í heimildarmynd sem við ættum að gera saman Hjálmtýr. Sænski kraninn gæti hún heitið og væri um forsjárhyggju með Mora krana sem söguhetju.

[Hjálmtýr V Heiðdal, 20.7.2008 kl. 11:02]

Ég var að grínast - það eru auðvitað engar hömlur á gluggastærðum í ríki Svía. Þú mátt meira að segja hafa húsið gluggalaust ef þér líður betur með það. Menn byggja einnig glerhallir þar og komast upp með það!

Það Morar allt í góðum sögum sem geta orðið góðar heimildamyndir. Myndin SÆNSKI KRANINN yrði trúlega mocumentary.