176 dagar fyrir hið opinbera

Ef þú hélst að húsið sem verið er að byggja á hafnarbakkanum í Reykjavík fyrir áhugafólk um klassíska tónlist sé greitt af einhverjum öðrum en þér skaltu hugsa þig tvisvar um og jafnvel þrisvar. Peningarnir koma ekki síður úr þínum vasa en annarra. Fyrir þessa peninga hefðir þú etv. getað keypt þér fullkomnustu hljómflutningstæki sem völ er á og gert stofuna þína að tónlistarhúsi þar sem hver pönk tónninn fær að njóta sín til fulls. Eða, þú hefðir getað varið fénu í annað, til dæmis sérhannaða boli frá Egozentric Designs™®© París, London, Malmö, Osló.

176 dagar fyrir ríkið. Verð 4000 kr. Stærðir 1-100. Vinur: Andríki. 

Egozentric Designs™®© harmar að fénu skuli varið í annað en Egozentric. En Egozentric Designs, París, London, Mílanó, New York, vill krækja í nokkrar krónur út á andúðina sem sannarlega er til staðar á tónlistarhúsinu og raunar allri þeirri stjórnlausu þenslu á ríkisútgjöldum sem nú á sér stað. Egozentric Designs™®© vill að ríkið kaupi eina milljón boli og gefi áhugafólki um þá í sérstaka áhugamálsgjöf. Alveg eins og ríkið er að gefa áhugafólki um klassíska tónlist sérstaka áhugamálsgjöf. Tryggir stjórnarskrá lýðveldisins ekki jafnrétti? Hví skyldu bolaáhugamenn ekki njóta sömu réttinda og áhugamenn um klassíska tónlist? Hér er á ferðinni klassískt dæmi um mismunun sem hvergi á heima nema í réttarsal stríðsglæpadómstólsins í Hollandi.

Athugasemdir

[Geir Ágústsson, 16.7.2008 kl. 14:06]

Þeir sem vilja sæmilega launaða, auðvelda og fyrirhafnalitla vinnu er bent á að Tónlistarhöllin þarf örugglega að ráða hreingerningarfólk sem þarf sennilega ekki að leggja mikið á sig til að þrífa og taka til í tómum sölum og göngum hússins.

Húsið verður líklega að næstu Perlu sem nýtist undir útsölumarkaði með geisladiska og sýningar hæfileikalausra og óþekktra íslenskra listamanna (sem hafa samt allir gráðu frá Listaháskóla Íslands).

[Berglind Steinsdóttir, 17.7.2008 kl. 00:35]

Er það misskilningur að Björgólfur Guðmundsson standi straum af einhverjum kostnaði?

Ég fór inn í Gestastofuna í dag og þar sýndist mér (eða einhver talaði um það) mikil áhersla lögð á ráðstefnuþáttinn. Er það misskilningur? Sinfónían verður þar en einhver í óperunni var mjög stúrinn yfir að ekki væri gert ráð fyrir henni þar. Er nokkuð verið að hampa tónlist í tónlistarhúsinu?

[Sigurgeir Orri Sigurgeirsson, 17.7.2008 kl. 04:36]

Ríki og borg eiga félagið, Austurhöfn- TR sem fjármagnar húsið, Portus mun reka húsið. 10 milljarða kostar ævintýrið.

Þessar upplýsingar eru af http://www.portusgroup.is/

Bygging og rekstur Tónlistar- og ráðstefnuhússins er svokölluð einkaframkvæmd samkvæmt samningi milli Eignarhaldsfélagsins Portus og Austurhafnar-TR. Austurhöfn- TR er fyrirtæki í eigu ríkis og Reykjavíkurborgar. Íslenska ríkið á 54% í fyrirtækinu og Reykjavíkurborg 46%. Eigandi Tónlistar- og ráðstefnuhússins er Eignarhaldsfélagið Portus en ríki og borg greiða árlega ákveðið framlag samkvæmt samningi í 35 ár.