Helvíti lagt niður

Ég myndi vera í stökustu vandræðum ef Helvíti væri lagt niður eins og gæti orðið í Danmörku. Mér er nefnilega tamt að segja helvítis- um alla mögulega hluti (helvítis vesen, helvítis asni osfrv). Ætli ég yrði ekki að segja fjandans- í staðinn. Ég tala nú ekki um ef farið verður með hið niðurlagða Helvíti til fjandans þar sem það jú sannarlega á heima.

 

Spurningin er sú hvort það Helvíti sem Danir viðurkenna, sé sama Helvíti og við viðurkennum sem hið eina sanna Helvíti. Þegar það verður búið að leggja bölvað Helvítið niður verða eftirfarandi orðaskipti án efa algeng: „Farðu til Helvítis!“ „Ég get það ekki þótt ég feginn vildi, það er búið að leggja það niður.“

Mér finnst að það ætti að taka eina kirknanna sem til stendur að leggja niður í Kaupmannahöfn og breyta í trúarsafn þar sem allt sem tengist helvíti er haft til sýnis. Mikilvægt er að varðveita menningu okkar og sögu.

Athugasemdir

[Beturvitringur, 25.3.2008 kl. 17:29]

Farðu til Danaveldis! asninn þinn!

[Vilberg Olafsson (IP-tala skráð) 26.3.2008 kl. 23:42]

folk fer ekki i kirkju herna meira. spair ekki mikid i heilaga ritningu. helviti magnad samt ad pæla i tvi ad tegar thjod er ad leggja nidur truna, eda ahuga a idkun, eru ofgahopar ad færast i aukana. magnad dæmi um olika heima og spurninguna um hvort their eigi samleid?

[Margrét St Hafsteinsdóttir, 27.3.2008 kl. 01:15]

Næst verður Himnaríki lagt niður, enda afskaplega leiðinlegur staður væntanlega.  Sjá síðustu færslu mína máli mínu til stuðnings

[Sigurgeir Orri Sigurgeirsson, 28.3.2008 kl. 09:36]

Já það þarf að vera á varðbergi gagnvart islamistunum og ekki gefa tommu eftir. Það verður að vera alveg klárt gagnvart innflytjendum að þeir verða að laga sig að siðum landsins, fara að lögum og reglum, án undantekninga.