Striplaðist fyrir framan barnið sitt

Sigurgeir Orri Sigurgeirsson (41) striplaðist fyrir framan son sinn, Ragnar Orra (0,11) um daginn. „Það gerðist þannig,“ sagði Sigurgeir Orri í samtali við blaðið, „að ég fór í sturtu og taldi mig hafa nægan tíma þar sem barnið var niðursokkið að leika sér inni í stofu. En áður en ég vissi var guttinn kominn inn á bað og reyndi að skríða inn í sturtuklefann. Ég varð að láta stutt bað nægja til að barnið blotnaði ekki. Þá gerðist það að ég striplaðist fyrir framan saklaust barnið.“ Þú hefur engar áhyggjur að þetta hafi eftirköst? „Það geri ég, til dæmis gæti barnaverndarnefnd bankað upp á hvenær sem er og til að fyrirbyggja að barnið hljóti varanlegan skaða, hef ég pantað tíma fyrir það í samtalsmeðferð hjá áfallahjálparstreituröskunarsálfræðingi með sérstaka áherslu á flóðhestafælni.“ Einmitt það.

Slefað og skeint þakkar Sigurgeiri Orra fyrir spjallið. 

Athugasemdir

[Vilberg Olafsson (IP-tala skráð) 20.2.2008 kl. 10:32]

Nu veit eg af hverju eg er sem eg er. Sigurgeir Orri hefur striplast allt of oft fyrir framan mig. Hann hefur striplast mikid og vida. Berjumst fyrir fataburdi Sigurgeirs Orra i framtidinni a almanna færi. Tad væri hægt ad stofna samtok fornarlamba berrassada mannsins i sturtunni, sem gat fra tvi tann 18. skrifad (41) 

[Beturvitringur, 20.2.2008 kl. 12:23]

Je, minn eini, hvar áttu heima? (bara svo ég geti forðast að fara framhjá!) hí hí hí

[Berglind Steinsdóttir, 20.2.2008 kl. 22:30]

Já, en ef það er eitthvað að marka aldurinn á Ragnari Orra sem þú gefur upp er hann ekki farinn að skríða ...

[Beturvitringur, 21.2.2008 kl. 11:54]

ef hann er heilbrigður ætti hann jafnvel að vera að fara ganga.

[Dísa Dóra, 21.2.2008 kl. 12:42]

haha já það er greinilega erfitt líf hjá frændsystkynunum

[Sigurgeir Orri Sigurgeirsson, 21.2.2008 kl. 23:57]

Skemmtileg tilviljun, ég hef nefnilega alltaf talið ástæðuna fyrir öllu því sem miður hefur farið í mínu lífi vera vegna þess að ég stundaði leikfimi með Vilbergi Ólafssyni og sá hann beran í búningsklefanum. Hvað er annað hægt! Snjóhvítur hryllingur með brúnum doppum.

það eru 12 einingar í árinu, og því er hann 11 eininga gamall, 0,11 ára. Ó jú hann er farinn að skríða og vel það, nánast farinn að ganga.

[Berglind Steinsdóttir, 1.3.2008 kl. 18:22]

Soldið seint viðbragð hjá mér en notar þú þá 0,12 sem hæstu mælieiningu? Hvað merkir þá 0,5 hjá þér? Ég myndi alltaf skilja það sem helming af gefinni einingu, t.d. ári.