Vetni tapar, rafmagn vinnur

Vetnið er ekki framtíðarorkugjafi á Íslandi, ekki vegna þess að það sé svo slæmt, heldur stenst það ekki samanburð við rafmagnið. Rafmagnið er allstaðar, hvert heimili er „bensínstöð“, flutningskerfið er tilbúið, ekki þarf að aka því með tankbílum á bensínstöðvar eins og vetninu og þróunin í rafhlöðum er afar hröð, þær halda meiri og meiri orku og verða æ léttari. Auk þess er óþarfi að nota rafmagn til að búa til vetni þegar hægt er að nota það beint með betri árangri. 

Spurningin er því sú hvers vegna það er ekki hægt að kaupa tvíorkubíla eins og Toyota Prius með hleðslutæki sem stinga má í samband í venjulega innstungu? Hvað kemur í veg fyrir að þeir eru framleiddir þannig? Hvers vegna nota rándýrt bensínið til að hlaða geymana þegar hægt er að hlaða þá heima fyrir miklu lægra verð?

Um leið og bílar sem hægt er að hlaða heima hjá sér koma á markað, hætta allir að tala um vetni. Því spái ég.

Stóra spurningin sem ég ætla að endurtaka núna er: Hvenær kemur Prius með innstungu? 

Í framhaldi af þessu má spyrja enn einnar spurningar: Hví ekki ganga alla leið, sleppa sprengihreyflinum og styðjast eingöngu við rafmagnið? Það styttist mjög í það, hér er myndband sem er kynning á Tesla Roadster sportbílnum. Tesla er svo kraftmikill að hann er fljótari en hraðskreiðustu bensínbílar í hundraðið. Síðast þegar ég gáði var Tesla afar dýr, en með tíð og tíma lækkar verðið og þá mega olíufurstarnir í miðausturlöndum og Rússlandi fara að vara sig. 

Athugasemdir

[Valdimar Samúelsson, 30.11.2007 kl. 16:36]

Ekki vafam'al Orri Vetni er allt of orkufergt í framleiðslu. Það eina sem gæti réttlæt framleiðslu er að það er möguleiki á að nota það 50/50 eða svoleiðis á eldri bíla. Það ætti ekki af framleiða bíla fyrir vetni.

[Berglind Steinsdóttir, 1.12.2007 kl. 18:08]

Ég trúi þessu líka. Og ég spyr með þér: Hvað stendur í veginum fyrir almennri framleiðslu rafmagnsbíla?

[Ágúst H Bjarnason, 1.12.2007 kl. 19:45]

Blogg mitt um svipað efni: Vetni eða rafgeymar sem orkumiðill bifreiða?

[Geir Ágústsson, 2.12.2007 kl. 17:10]

Olían á samt nokkra góða áratugi eftir.