Drullusokkar á tilboði

Björn Bjarnason hefur mátt þola að ósekju, eða fyrir þá sök eina að vera ósammála og láta ekki vaða yfir sig, afar ósmekklegar árásir frá Jóhannesi Jónssyni og Hreini Loftssyni. Auk þess að ráðast á Björn eru þeir að grípa síðasta hálmstráið til að ráðast á Davíð í gegn um Björn. Hann er þeirra Albanía. Þessar viðbjóðslegu árásir eiga ekki annan fót fyrir sér en vera ofbeldi gegn þeim sem vogað sér hefur að vera ósammála þeim og STUTT ÞAÐ MEÐ DÆMUM. Það er því sannarlega rétt að í Bónus séu drullusokkar í miklu úrvali. Vel má vera að málareksturinn gegn Baugi hafi verið brogaður, en ekki má gleyma því að það var fyrrum viðskiptafélagi þeirra sem hóf hann. Þegar rykið fellur og samsæriskenningarnar þurfa að standa einar og óstuddar, kemur í ljós að málið er tiltölulega einfalt. Og það er einmitt það sem Jónannes Jónsson getur ekki horfst í augu við. Á eftir honum hleypur svo skósveinninn Hreinn Loftsson og apar eftir honum þvæluna. 

Ég vona að Geir Haarde beri gæfu til að sjá í gegn um sjónarspilið og leggist ekki gegn því að Björn verði ráðherra dómsmála áfram. Ísland þarfnast þessa manns. Hann hefur gert marga góða hluti í embætti og það væri ósvinna að láta undan þrýstingi drullusokkanna í Bónus. 

Hreinn: Dómur kjósenda um verk Björns liggur fyrir

Athugasemdir

[Auðun Gíslason, 17.5.2007 kl. 00:15]

Enda allir í sama flokki; Björn, Jóhannes og Hreinn!

[Sigurgeir Orri Sigurgeirsson, 17.5.2007 kl. 00:27]

Þetta offors gegn Birni er ótrúlegt í ljósi þess að hann kom ekkert nærri málinu fyrr en eftir að það var hafið. Því ber að fagna að minna varð úr málinu en meira. Það eitt sýnir að hér er ekki um samsæri að ræða. Ef svo væri, væri Jóhannes nú á Litla Hrauni. Ef eitthvert ímyndað styrktarmannakerfi var í hættu, hvers vegna gera þessar breytingar í átt til frelsis? Stenst ekki. Davíð var hafinn yfir svona vitleysu. Ég er viss um að það eru miklu fleir tilbúnir í dag til að styrkja Sjálfstæðisflokkinn en áður. Enda sjá það allir menn að fyrir tilstilli hans hefur velmegun aukist gríðarlega í landinu.

[Óðinn (IP-tala skráð) 17.5.2007 kl. 07:07]

Mér sýnist Sveinn benda á það rétta í þessu, það stendur fátt eftir af kæruatriðunum enda eru Baugsmenn engir glæpamenn. Miðað við þau orð sem höfð voru um þá í upphafi þá áttu þeir að hafa farið illa með okkur borgarana, okrað á okkur og annað eftir því. Gefum okkur að það hafi verið rétt, hvar standa þá aðrir kaupmenn? Bónus hefur jú verið með lægsta vöruverð í landinu í mörg ár! Ef það er að fara illa með okkur að bjóða lágt vöruverð þá veit ég ekki hvað þarf til til að gera vel við okkur. Það er ekkert að því að eiga peninga. Ég veit ekki afhverju við erum alin upp við það að peningar séu slæmir. Jóhannes eða hans fyrirtæki hafa gert ýmislegt til að láta gott af sér leiða, þeir nota t.d. hagnað af pokasölu til að styrkja Barnaspítalann minnir mig. Gleymum því ekki heldur að maður á að vera saklaus þar til sekt er sönnuð og öll skrif, hvort sem það er á bloggsíðum eða í blöðum geta svert mannorð fólks.

[Brattur (IP-tala skráð) 17.5.2007 kl. 07:29]

Mér finnst ekki annað koma til greina en að Björn hlýði Jóhannesi í Bónus. Ef Jóhannes vill ekki tilekinn mann í embætti ríkissaksóknara, þá verður Björn Bjarnason að taka mark á því. Það er gott að hafa menn eins og Jóhannes í Bónus á vaktinni og kippa í taumana þegar ráðamenn þjóðarinnar villast af sporinu. Þegar við höfum slíka menn þá þurfum við ekki málskotsrétt forseta Íslands né þjóðaratkvæðagreiðslur.Einnig finnst mér allt í lagi að svona ríkir menn brjóti lítilháttar af sér eða steli upphæð sem er t.d. ekki hærri en 1 milljón króna. Ef hinsvegar efnaminna fólk stelur litlum upphæðum, þá á hiklaust að sækja það til saka.