Ódýrasti pappírinn er í Bónus

Það er ánægjulegt að sjá að Jóhannes gerir sitt besta til að vera ódýrastur. Lengi hefur hann selt ódýrustu dagvöruna en nú er hann búinn að færa út kvíarnar og er orðinn ódýrasti pappírinn líka.

Því miður virðist herför hans gegn Birni hafa mistekist, því 80% sjálfstæðis manna kaus að virða ákall hans að vettugi.

Athugasemdir

[Berglind Steinsdóttir, 15.5.2007 kl. 23:05]

Er ódýrt í þínum augum sama sem ómerkilegt?

[Sigurgeir Orri Sigurgeirsson, 16.5.2007 kl. 00:01]

Kæra Berglind, ég vona að ég sé ekki einn um það að sjá, auk hinnar hefðbundnu, merkinguna ómerkilegur úr orðinu ódýr. Máli mínu til stuðnings vil ég nefna dæmi: Þetta var nú frekar ódýrt bragð hjá Jóhannesi.

[Berglind Steinsdóttir, 16.5.2007 kl. 08:07]

Ég hefði kannski átt að hafa orðið ,,bara" með í spurningunni vegna þess að hjá þér hljómar það eins og lágt vöruverð (ódýrar vörur) sé ljóður á ráði Jóhannesar.

[Ársæll Níelsson, 16.5.2007 kl. 19:45]

Einnig má líta svo á að tæplega 20% sjálfstæðismanna hafi hlýtt á ákall hans.

[Sigurgeir Orri Sigurgeirsson, 16.5.2007 kl. 22:58]

Enda er gaurinn með fjölmiðlaveldi á bak við sig sem hefur ekki gert neitt annað en hamast í Birni og Davíð. En þar sem Davíð er hættur, er ráðist á Björn. Hann er þeirra Albanía. Svona drullusokkaháttur á ekki að líðast og ég er viss um að margir strikuðu yfir Björn einungis vegna persónulegs metnaðar fyrir hönd annarra frambjóðenda. Notuðu sem sagt tækifærið, þegar færið gafst. Annað birtist líka í þessari auglýsingu: Lög um fjárframlög til stjórnmálaflokka eru orðin að viðundri. Hver sem er getur í krafti auðs síns auglýst eins og hann lystir um ágæti eins stjórnmálaflokks eða gegn frambjóðendum.