Einhentur maður klappar

Æringinn Jay Leno er með „horn“ í þætti sínum sem ég hef ákaflega gaman að og kallast á útlensku Headlines. Í horninu sýnir hann aðsent efni úr pappírsmiðlum sem leikið hefur verið grátt af prentvillupúkanum eða fyrirsagnir sem eru klaufalega samdar, eins og sú úrklippa sem hér má sjá.

Athugasemdir

[Beturvitringur, 18.1.2008 kl. 14:57]

Hvað átti þetta að vera. Hata að viðurkenna að ég "fatta"ekki þennan.

Var hann vopnaður, eða?

[Guðmundur Bergkvist, 18.1.2008 kl. 16:26]

HAHAHAHAHA! Vopnaður....  One-armed þýðir einhentur vinan, og það þarf víst tvær hendur til að klappa.

[Beturvitringur, 19.1.2008 kl. 18:04]

já, eeeen, þar sem ég sá hann ekki fyrir mér klappa saman höndinni, ætlaði ég að vera svona fyndin, mistókst. Skildi enskuna og ímyndaði mér aðstæðurnar.

"Applaud" þýðir auðvitað líka að láta ánægju sína í ljós - og það með fleiri aðferðum en lófaklappi.

Sbr. ég myndi ekki þýða "ör í andliti" sem "arrow in face".  bahh

[Sigurgeir Orri Sigurgeirsson, 20.1.2008 kl. 00:54]

Það er einmitt þetta sem er svo skemmtilegt við fyrirsagnir sem hafa tvíræða merkingu. Höfundurinn ætlar að segja eitthvað og meinar það, en svo koma grallararnir auga á aðra merkingu. Fokhelt hús fauk á Suðureyri. Lenti í átökum við Reykjavíkurapótek. Það er mikilvægt að halda þessu til haga.

[Hrannar Baldursson, 20.1.2008 kl. 14:17]

Og "Laust sæti í fullri flugvél."

[Beturvitringur, 20.1.2008 kl. 15:44]

"Lærið söng!"

[Beturvitringur, 25.1.2008 kl. 00:05]

"Þeir hleyptu brúnum þegar þeir sáu salernisaðstöðuna"

[Sindri Guðjónsson, 25.1.2008 kl. 10:32]