Loka börunum líka

Það er hægt að kaupa bjór í stykkjatali á börunum og kaffihúsunum í kringum ríkisbúðina og drekka td. á Austurvelli. Lokun vínbúðarinnar myndi ekki leysa neinn vanda, rónarnir héldu til í miðbænum löngu áður en ríkið opnaði þar áfengisverslun.

Það er ekki raunhæft að loka áfengisversluninni í miðbænum fyrr en búið verður að leyfa sölu áfengis í matvöruverslunum, þá má búðin fara norður og niður. Boð og bönn eru ekki affarasæl. Kerfi þar sem hverjum og einum er treyst fyrir sjálfum sér eru heppilegust. Ríkið á ekki að standa í verslunarrekstri, það er ömurleg tímaskekkja.

Vill vínbúðina burt

Athugasemdir

[Benedikt Halldórsson, 17.8.2007 kl. 23:44]

Ástæða þess að rónarnir hanga í miðbænum er að þar er auðveldast að betla, þar eru líka bekkir til að sitja á. Kannski væri ráð að fjarlægja alla bekki úr miðbænum, og fæla fólkið í burtu svo rónarnir geti ekki betlað af því.

[Sigurgeir Orri Sigurgeirsson, 22.8.2007 kl. 10:35]

Skarplega athugað. Þeir sem um þessi mál fjalla virðast ekki gera sér grein fyrir að þar sem þúsundir manna koma saman er alltaf hætta á árekstrum. Miðbærinn er aukaatriði í því sambandi.