Bolur til stuðnings vinar í raun

Egozentric Designs® París, London, New York, Mílanó, Reykjavík, er alþjóðleg og virt hönnunarstofa. Aðalhönnuður stofunnar hefur eignast marga vini úti í hinum stóra heimi vegna eigingjarnra starfa fyrir sjálfan sig. Sumir þessara vina hans hafa ekki notið sannmælis og eru jafnvel réttilega úthrópaðir þorparar í mörgum löndum. Þess vegna hefur aðalhönnuðurinn, upp á sitt einsdæmi, en þó ekki ókeypis, tekið að sér að bæta ímynd þeirra. PR er slík hönnun kölluð en hönnuðurinn sver af sér spunameistarastimpilinn, því hann er spunasnillingur, ekki meistari. Stimpillinn má vera þarna hans vegna. Þegar harðnar á dalnum kemur í ljós hverjir eru raunverulegir vinir manns. Aðalhönnuðurinn er slíkur maður. Vinur í veðri góðu. Vinur sem kýs vin af fúsum og frjálsum vilja í fúsum, frjálsum og svindl-lausum kosningum, hvort sem það er með höfði, herðum, hnjám eða tám.

Vote for Castro brothers. Verð 4000 kr. Stærðir: 1-100. Land vinar: Kúba.

Aðalhönnuðurinn er ekki eini vinur aðalritarans og því gefst sönnum vinum kostur á að kaupa boli til stuðnings vini í raun. Bolirnir fást í öllum stærðum og kostar stykkið aðeins 4000 krónur heimsendur með sönnum ríkisfyrirtækivini í raun: Póstinum. Með áritun aðalhönnuðarins kosta bolirnir 8000 krónur. Eina sem þarf að gera er að skilja eftir í athugasemdum nafn á vini, nafn á kaupanda, heimilisfang kaupanda og stærð bolar. Bolirnir eru allir úr fyrsta flokks handtýndri bómull af þrælaökrunum í Súdan.

Vote for Hu Jintao. Verð 4000 kr. Stærðir: 1-100. Land vinar: Kína.

Vote for Chaves. Verð 4000 kr. Stærðir: 1-100. Land vinar: Venezuela.

Vote for Abdullah. Verð 4000 kr. Stærðir: 1-100. Land vinar: Sádi Arabía.

Vinsamlega athugið að skoðanir og hegðun aðalhönnuðarins eru á engan hátt á ábyrgð eiganda þessa bloggs. Hann er aðeins nytsamur, saklaus vitleysingur sem lánaði síðu sína undir þessa blygðunarlausu sölumennsku.

Vote for Kim Jong-il. Verð 4000 kr. Stærðir: 1-100. Land vinar: Norður Kórea.

Vinir í raun styrkja vini í raun. 0,5% af kostnaði við að senda hvern seldan bol verður lagt inn á leynireikning viðkomandi vinar í Sviss í baráttunni fyrir betri og öruggari heimi.

Athugasemdir

[Vilberg Ólafsson (IP-tala skráð) 3.7.2008 kl. 00:53]

Það þyrfti að heiðra Mogens Glistrup á bol nú þegar kallinn er allur.  Ég kaupi einn til að nota i vinnunni ef við finnum eitthvað gott slagorð.

[Hólmdís Hjartardóttir, 3.7.2008 kl. 02:02]

[Sigurgeir Orri Sigurgeirsson, 3.7.2008 kl. 05:10]

Vote for the memory of Mogens Glistrup, hvað segirðu um það minn kæri Vilberg? Þú værir flottur með slík skilaboð á ístrunni, fyrirgefðu, á ístruflununum. Eða Mogens Glistrup som presidænt. Rosalega illa tímasett. Æ ég veit það ekki, erfitt að finna gott slagorð. En Glistrup var alltaf minn maður, ég man að ég hélt með honum.

[Ragnhildur Kolka, 3.7.2008 kl. 08:21]

Jólagjöfin í ár, ekki spurning.

[Svavar Guðmundsson (IP-tala skráð) 3.7.2008 kl. 16:09]

Ég kaupi Hugo Chaves og Hannes Smárason bolinn, ekki spurning  Er allataf að segja þetta við þig þú átt að fara út bola ( Bear Market) honnun.  Nú er tími bola á mörkuðunum ( Bear Market) Bullish Market.

kv.

Svabbi

[Vilberg Ólafsson (IP-tala skráð) 3.7.2008 kl. 22:01]

Gl(ístru)p og góðan texta sem stuðar ekki íbúana þegar ég kem.