Þrettándabrenna

Jólin voru kvödd að þessu sinni á Valhúsahæð þar sem kveikt var í áramótabrennunni. Já áramótabrennunni vegna þess að ekki reyndist unnt að kveikja í henni á gamlárskvöld vegna veðurs. Valgeir Guðjónsson álfur og álfadrottning léku og sungu. Ég kann ennþá textann við Stóð ég úti í tunglsljósi næstum því utanbókar, enda mikil íslenskusnilld þar á ferð þótt þýðing sé. Hér er úrval mynda sem ég tók í hlýjunni frá álfabrennunni.

Athugasemdir

[Beturvitringur, 16.1.2008 kl. 21:32]

hí hí hí mikill myndasmiður hér á ferð  Væru örugglega miki listaverk er á sýningu færu.

Annars man ég hvað ég fann alltaf til með huldum verum þegar auglýst var í byrjun árs að á þrettándanum yrði "Álfabrenna" uusssjj, fannst þetta viðbjóðslega ómannúðlegt gagnvart þessum verum þótt ósýnilegar væru.

[Una Sighvatsdóttir (IP-tala skráð) 16.1.2008 kl. 22:08]

Þessar myndaseríur eru brilliant.

Stundum sér maður heilu albúmin með einmitt svona myndum.

[Sigurgeir Orri Sigurgeirsson, 18.1.2008 kl. 00:16]

Hvað meinarðu? Þetta er úrval af þeim myndum sem ég tók. Ég ætti kannski að sýna þér þær sem hlutu ekki náð fyrir mínum listrænu augum. Þeir hjá Hans Petersen sem framkölluðu filmuna og stækkuðu myndirnar í rammana sögðu að ég ætti framtíðina fyrir mér.