Panama besta kaffiland í heimi

Undanfarin misseri hef ég átt þess kost að drekka panamískt kaffi. Það er vegna þess að Svavar vinur minn er farinn að flytja það inn.

Um daginn fór Svavar á Langasand í Kaliforníu á ráðstefnu um kaffi. Þar var smakkað kaffi frá öllum hornum heimsins og því gefin einkunn og raðað í sæti. Skemmst er frá að segja að kaffið hans Svavars lenti í 1. og 7. sæti yfir besta kaffi í heiminum. Panamakaffið bætti um betur í flokki náttúruræktaðs kaffis og lenti í 1. og 2. sæti. Frétt um málið birtist á Freistingu.is.

Það er ekki erfitt að mæla með Panamakaffinu. Um daginn keypti ég pakka með baunum frá Merrild, þeirra flaggskipi, Café Noir. Er ég bar saman baunirnar kom í ljós að hinar margauglýstu en óverðlaunuðu Café Noir baunir voru eins og sag í samanburði við bústnar og olíuglansandi apakaffisbaunirnar, brotnar smáar og þurrar.

Í skírn Ragnars Orra sonar míns í byrjun júní var hellt upp á Panamakaffi. Skírnargestir vissu ekki hvaðan kaffið kom, en óvenju margir höfðu á orði hve kaffið væri gott. Þetta eru góð meðmæli og algerlega óvilhöll.

Ég gleymdi að segja það að Panamakaffið fæst í Melabúðinni og öðrum „Þínum verslunum“ (hvar annars staðar?) 

Athugasemdir

[Benedikt Halldórsson, 12.7.2007 kl. 23:32]

Ég ætla prófa þetta kaffi. Gallinn við gæðakaffi á kaffihúsunum er að þau fara illa í mig (magann) , er semsagt að leita að hinu fullkomna kaffi.

[Svavar Guðmundsson (IP-tala skráð) 13.7.2007 kl. 09:48]

Sæll Orri og takk fyrir þessa umfjöllun, Það sem mér finnst athyglisvert í þessu fyrir utan það að fólk á rétt á að vita hvaðan besta kaffið kemur í heiminum er að þrátt fyrir margítrekaða tilraunir hefur mér ekki enn tekist að fá þessa frétt birta hérlendis í fréttamiðlum, en hún hefur verið birt víða erlendis.  Kann ekki skýringuna!

Benda má á að Panama-kaffið fæst í öllum betri verslunum, s.s Hagkaup, Samkaup-Úrval, Nóatúni, 10-11, Þín-um verslunum o.fl.