Bloggfærslur mánaðarins, júlí 2008
15.7.2008 | 05:56
Kjósið Ómar
Hrikalegt er fyrir aðalhönnuðinn að horfa upp á vin sinn engjast um í snöru vestrænna viðhorfa sem taka ekkert tillit til aðstæðna heimafyrir. Skilningsleysi á innlendum aðstæðum er rétt að kalla þessar ofsóknir, rétt eins og ráðamenn Íslands segja þegar útlendingar hvá yfir háu vínverði, ríkisstyrkjum til landbúnaðar, verðtryggingu og háum söluskatti. Egozentric Designs®© London, París, Róm, Amsterdam, stendur við bakið á sínum. Styrkið Ómar, styrkið Egozentric og kjósið að kaupa Egozentric bol. Darfúr er paradís á jörðu. Þjóðernishreinsanir eru ekki þjóðernishreinsanir, heldur almenn hreingerning þar sem þjóðernið er hreinsað burt, enda er það bara skítur sem festist undir skónum. Súdan hefur ekki kallað allt ömmu sína hingað til og það hefur Ómar ekki gert heldur. Munið: Milljónasta hver króna af seldum bol er lögð inn á einkareikning viðkomandi vinar í Sviss til baráttunnar fyrir betri heimi.
Vote for Omar al-Bashir. Verð 4000 kr. Stærðir 1-100. Land vinar: Súdan. Vinur: Ómar frændi.
Ákærur birtar | |
Tilkynna um óviðeigandi tengingu við frétt |
Dægurmál | Breytt 18.7.2008 kl. 19:26 | Slóð | Facebook | Athugasemdir (5)
14.7.2008 | 07:11
Eikaborgarar
Viðskiptavinur nokkur kom að máli við Egozentric Designs®© París, London, Róm, New York og bað um bol sem ýtir undir viðskiptin og hjálpar starfsfólkinu að líta vel út. Af stakri snilld var þessi bolur hannaður.
Eikaborgarar. Verð 4000 kr. Stærðir: 1-100. Viðskiptavinir. Eiki og Villi.
Dægurmál | Breytt s.d. kl. 17:39 | Slóð | Facebook | Athugasemdir (3)
10.7.2008 | 00:05
Heimsskyr
Á meðan íslenskir matvælaframleiðendur eru verndaðir með ríkisstyrkjum og tollamúrum gegn samkeppni frá útlenskum matvælaframleiðendum beinast allir kraftar þessara skynsömu og duglegu manna að því hvernig skuli ná sem mestu fé út úr ríkissjóði með sem minnstri fyrirhöfn. Skynsemin hefur fyrir löngu sagt þeim að vænlegast til árangurs sé að þekkja stjórnmálamenn. Þess vegna höfum við lög um einokun á sölu mjólkur, sem samkeppnislög ná ekki til.
Ef matvælaframleiðendur íslenskir væru teknir af ríkisspenanum myndu þeir umsvifalaust beina dugnaði sínum og hyggjuviti að því sem mestu máli skiptir: Að selja vöruna. Þeir myndu fljótt átta sig á því að á Íslandi búa fáir, en í heiminum margir.
Til hvers að beina kröftum sínum að helvítis útlendingunum þegar við höfum það gott heima?
Þrátt fyrir mikið tal um að nú skuli minnka ríkisstyrki er lítið um gjörðir. Og ekki lítur út fyrir að það breytist í bráð.
Örvæntið eigi!
Það er ljós í myrkrinu!
Egozentric designs®©! London, París, Róm, Mílanó, New York.
Það er hluti af markaðsherferð Egozentric Designs®© París, London, Los Angeles, New York, að leggja til góðar hugmyndir í von um ofsagróða. Þótt sérhagsmunaaðilar tengdir landbúnaði skilji það ekki, þá gerir aðalhönnuðurinn sér góða grein fyrir því að heimurinn er að verða eitt markaðssvæði. Það sem hægir á þróuninni en stöðvar hana ekki eru tollamúrar og skriffinnska eins og sú sem stunduð er í Evrópusambandinu og á Íslandi (Tollmeðferðargjaldið t.d.)
Íslenskir sveitalúðar eru ekki heimsborgarar. Hvað eru þeir annað en sveitalúðar sem telja ríkisstyrki vera lausn allra vandamála? Engu breytir þótt þeir séu í jakkafötum og vinni við Melatorg, þeir eru sömu sveitaplebbarnir með skít í skegginu og gras í gúmmískónum. Egozentric designs vill af einskærri eigingirni lyfta sveitalúðunum upp á nýtt plan, heimsborgaraplanið. Velkomnir herramenn. Þið eruð gestir á heimsborgaraplaninu, vinsamlega farið úr fjósagallanum. Hér er markaðsherferð handa ykkur. Hvert á ég að senda reikninginn?
Peru heimsskyr. Verð 4000 kr. Stærðir: 1-100. Land vinar: Ísland. Vinur: 1000 ára bóndinn.
8.7.2008 | 17:33
Klístruð speki
Enn ein spekin sem vert er að selja komandi kynslóðum til fróðleiks og lyftistangar. Svo sannarlega nógu klístraðslega djúp til að vera velt upp úr fiðri og látin fljúga.
Ég held að samkeppni sé dýr og almennt til leiðinda. Verð 4000 kr. Stærðir: 1-100. Land vinar: Ísland. Nafn vinar:Ingibjörg Sólrún Gísladóttir.
Dægurmál | Breytt 15.7.2008 kl. 20:29 | Slóð | Facebook | Athugasemdir (1)
7.7.2008 | 16:02
Klístruð spakmæli
Á hverjum tíma eru uppi framsýnir snillingar sem láta út úr sér spakmæli sem verða fleyg. Spakmæli sem hjálpa komandi kynslóðum að skilja lífið, skilja tilveruna, skilja sjálfar sig, sjá heiminn nýju ljósi, læra af fortíðinni, verjast vítin og breyta rétt. Egozentric Designs® París, London, Róm, New York, leitar stanslaust leiða til að auka hróður sinn og stöku sinnum er einn og einn framsýnn snillingur notaður sem lyftistöng. Aðalhönnuðinum þótti vel við hæfi að taka þessi klístruðu spakmæli, velta þeim upp úr fiðri og láta þau fljúga.
Klístruð spakmæli. Verð 4000 kr. Stærðir: 1-100. Land vinar: Ísland. Nafn vinar: Steingrímur J. Sigfússon
7.7.2008 | 06:09
C ný
Vegna fjölda áskorana hefur Egozentric Designs® ákveðið að setja aftur á útsölu Hannesar Smárasonar bolinn. Verðið er sem fyrr einstaklega gott, eða 5 krónur fyrir utan sendingarkostnað. Með sendingarkostnaði kostar bolurinn 4000 krónur. Með tímanum hefur komið æ betur í ljós hvílíkt c ný er hér á ferð.
C ný. 5 kr. Stærðir: 1-100. Vinur: Svavar.
Dægurmál | Slóð | Facebook | Athugasemdir (3)
4.7.2008 | 18:33
Ístruflanir
Egozentric designs® París, Kaupmannahöfn, Sönderborg, New York, Róm flettir ofan af nýjustu hönnun sinni með stolti. Aðalhönnuðurinn er listrænt meðvitaður með miklum afbrigðum og hendir umsvifalaust í ruslið hönnun sem ekki virkar á fleiri en einu sviði. Í þessu tilfelli felur hönnunin í sér skilaboð auk þess að vera listrænt afrek. Bolurinn var hannaður að beiðni viðskiptavinar í Danmörku og verður aðeins framleiddur í einu eintaki, nema annars sé óskað.
Afsakið ístruflanir. Verð 4000 kr. Stærðir: 1-100. Land vinar: Ísland. Vinur: Villi.
Dægurmál | Breytt s.d. kl. 18:57 | Slóð | Facebook | Athugasemdir (7)
4.7.2008 | 15:15
Tónleikar falla niður vegna veðurs
Fyrirhugðum tónleikum Bjork.com falla niður vegna kulda. Miðarnir verða ekki endurgreiddir heldur verður féð gefið í umhverfis- og ferðasjóð Al Gore. Aðstandendur biðjast velvirðingar og vona að það verði ekki hret næst þegar haldnir verða baráttutónleikar gegn alheimshlýnun.
Dægurmál | Slóð | Facebook | Athugasemdir (1)
2.7.2008 | 17:14
Bolur til stuðnings vinar í raun
Egozentric Designs® París, London, New York, Mílanó, Reykjavík, er alþjóðleg og virt hönnunarstofa. Aðalhönnuður stofunnar hefur eignast marga vini úti í hinum stóra heimi vegna eigingjarnra starfa fyrir sjálfan sig. Sumir þessara vina hans hafa ekki notið sannmælis og eru jafnvel réttilega úthrópaðir þorparar í mörgum löndum. Þess vegna hefur aðalhönnuðurinn, upp á sitt einsdæmi, en þó ekki ókeypis, tekið að sér að bæta ímynd þeirra. PR er slík hönnun kölluð en hönnuðurinn sver af sér spunameistarastimpilinn, því hann er spunasnillingur, ekki meistari. Stimpillinn má vera þarna hans vegna. Þegar harðnar á dalnum kemur í ljós hverjir eru raunverulegir vinir manns. Aðalhönnuðurinn er slíkur maður. Vinur í veðri góðu. Vinur sem kýs vin af fúsum og frjálsum vilja í fúsum, frjálsum og svindl-lausum kosningum, hvort sem það er með höfði, herðum, hnjám eða tám.
Vote for Castro brothers. Verð 4000 kr. Stærðir: 1-100. Land vinar: Kúba.
Aðalhönnuðurinn er ekki eini vinur aðalritarans og því gefst sönnum vinum kostur á að kaupa boli til stuðnings vini í raun. Bolirnir fást í öllum stærðum og kostar stykkið aðeins 4000 krónur heimsendur með sönnum ríkisfyrirtækivini í raun: Póstinum. Með áritun aðalhönnuðarins kosta bolirnir 8000 krónur. Eina sem þarf að gera er að skilja eftir í athugasemdum nafn á vini, nafn á kaupanda, heimilisfang kaupanda og stærð bolar. Bolirnir eru allir úr fyrsta flokks handtýndri bómull af þrælaökrunum í Súdan.
Vote for Hu Jintao. Verð 4000 kr. Stærðir: 1-100. Land vinar: Kína.
Vote for Chaves. Verð 4000 kr. Stærðir: 1-100. Land vinar: Venezuela.
Vote for Abdullah. Verð 4000 kr. Stærðir: 1-100. Land vinar: Sádi Arabía.
Vinsamlega athugið að skoðanir og hegðun aðalhönnuðarins eru á engan hátt á ábyrgð eiganda þessa bloggs. Hann er aðeins nytsamur, saklaus vitleysingur sem lánaði síðu sína undir þessa blygðunarlausu sölumennsku.
Vote for Kim Jong-il. Verð 4000 kr. Stærðir: 1-100. Land vinar: Norður Kórea.
Vinir í raun styrkja vini í raun. 0,5% af kostnaði við að senda hvern seldan bol verður lagt inn á leynireikning viðkomandi vinar í Sviss í baráttunni fyrir betri og öruggari heimi.
Stjórnmál og samfélag | Breytt s.d. kl. 18:08 | Slóð | Facebook | Athugasemdir (6)
Heimsóknir
Flettingar
- Í dag (19.4.): 1
- Sl. sólarhring: 5
- Sl. viku: 38
- Frá upphafi: 114001
Annað
- Innlit í dag: 1
- Innlit sl. viku: 38
- Gestir í dag: 1
- IP-tölur í dag: 1
Uppfært á 3 mín. fresti.
Skýringar
Ljóð
Ferðasaga
Einn dag fyrir átta árum
með eimskipi tók ég far.
Nú man ég því miður ekki
hver meining ferðalagsins var.
En einhverra orsaka vegna
að endingu landi var náð.
Og það var með ánægju þegið,
því þetta var skipsstjórans ráð.
Og svo hef ég verið hér síðan
og sofið og vakað og dreymt.
En eins og ég sagði áðan,
er erindið löngu gleymt.