Keyptu sápu af Reyni Pétri

Fyrr í sumar voru hjónin Sigurgeir Orri og Heiðrún Gígja og sonurinn Ragnar Orri að taka því rólega í sumarbústað í Grímsnesinu. Heyrist þá bank og viti menn Reynir Pétur göngugarpur með meiru er á dyrapallinum og býður unaðslega náttúrusápu til kaups. Hjónin slá til vegna þess að ágóðinn af sölu sápunnar rennur víst til Sólheima, þar sem Reynir Pétur býr.

Þegar sápan sem Björk móðir Heiðrúnar gaf henni í afmælisgjöf í maí var upp urin, var unaðslega náttúrusápan frá Reyni Pétri sett við vaskinn á heimili þeirra hjóna. „Hún er ljómandi fín,“ sagði Heiðrún aðspurð. „Ég tek undir þau orð,“ Sagði Sigurgeir Orri og bætti við: „Reynir Pétur er einstakur maður, brosmildur og skemmtilegur.“

Innlegg í umræðuna

Endemis þvæla

Sérhver maður ætti lesa ritgerð unglingsins Kirsten Byrnes áður en hann tekur stjórnmálamanninn Al Gore trúanlegan um umhverfismál. Yfirlýsingar Al Gore eru einfaldlega rangar. 

Hlekki á ritgerð Kirsten, sem heitir Ponder the Maunder, er að finna í síðustu færslum á þessu bloggi. Hún tók einnig fyrir mynd Al Gore og sú lesning er ekki beinlínis uppörvandi fyrir umhverfissóðann Al Gore.

„Skoðanir sáralítið skiptar“ meðal vísindamanna um gróðurhúsaáhrifin

Koldíoxíðaukning í andrúmsloftinu skiptir engu máli

Ég get ekki að því gert en ég vorkenni öllum þeim sem lifa í ógn og ótta við aukningu koldíoxíðs í andrúmsloftinu. Hún skiptir nefnilega engu máli. Um leið er mér hjartanlega sama þótt einhverjir verji fé sínu í aflátsbréf til að friða samviskuna. „Fool and his money are soon apart“, segir máltækið.

Það eina sem vert er að hafa áhyggjur af – raunar miklar áhyggjur – er þegar stjórnmálamenn ákveða að leggja á skatta til að standa straum af aðgerðum gegn alheimshlýnun af mannavöldum. Mannkyni stendur meiri ógn af þeim aðgerðum en hugsanlegum hryðjuverkum, fellibyljum og hækkandi hitastigi á jörðunni samanlagt.

Hærri skattar letja til framkvæmda og hindra alþjóðaviðskipti. Þau ríki sem fara verst út úr því eru þau vanþróuðu. Ríkin sem þurfa mest á óhindruðum alþjóðaviðskiptum að halda. Kyoto-bókunin svokallaða er algjörlega út í hött. Það eina sem hún gerir er að hindra eðlilega framþróun iðnaðar í heiminum. Ekkert bendir til þess að koldíoxíð í auknu magni hafi áhrif. Þrátt fyrir það er búið til íþyngjandi reglugerðarfargan.

Ég veit ekki hversu lengi það tekur fyrir heimsbyggðina að átta sig á að hún er á villigötum. Það mun vonandi gerast sem fyrst. Því talsverð hætta er á – eins og fyrr segir – að mörg ríki muni verða fyrir miklu tjóni, bæði mann- og fjártjóni af völdum skatta sem lagðir verða á fyrir misskilning.

Trúlega mun ekki renna upp fyrir mönnum ljós fyrr en það tekur að kólna aftur. 

Dansað á sokkunum

Ég hef áður bent á að listdans er engu minni list þótt dansarinn sé í sokkum og ítreka það hér. Fátt er fegurra en karlmaður á sokkum einum fata.

Verða léttklæddar á Goldfinger

Einkennilegt bragð af matnum

Var að fletta gömlum blöðum í dag og rakst á þennan fréttakonfektmola.