Offita er stórum matarskömmtum að kenna

Ábyrgðin á þessu vandamáli hvílir á stjórnvöldum. Þau eiga að skikka með boðum og bönnum veitingahúsin til að minnka matarskammtana og nota einungis lina fitu og aðra hollustu. Þetta er boðskapur stjórnlyndra í dag og því miður tekur Morgunblaðið undir slík sjónarmið (sjá úrklippu). 

Í vetur rakst ég á þátt í sjónvarpinu sem heitir Biggest Loser og var raunveruleikaþáttur um fólk í megrun. Sá sem missti mest sigraði. Þátturinn sem ég sá var úrslitaþátturinn og þar kom ákaflega skýrt fram hvar baráttan fór fram. Það var hjá einstaklingnum, keppendunum. Ekkert ríkisvald eða stofnun um heilsu lýðsins hafði neitt með það að gera hvort fólk borðaði mikið eða lítið, hollt eða óhollt. Það var mjög eftirminnilegt að sjá einn keppandann hoppa af kæti við það eitt að komast í gallabuxurnar beint úr þurrkaranum.

Ef ég byði fólki í mat og setti þrefalt meiri mat á diskinn þeirra en þörf er á, hvort er það mitt mál eða þeirra hvort þau klára matinn? Eru gestirnir ekki full færir um að ákveða hvað þeir borða mikið? Er það ekki á þeirra ábyrgð? Eða er það kannski á ábyrgð ríkisins? Auðvitað! Lýðheilsustöð ríkisins á að ákveða samræmdan opinberan matarskammt og skammta okkur svo á diskinn. Ég sé fyrir mér fulltrúa Lýðheilsustöðvar á hverju veitingahúsi að fara yfir matarskammtana. 

 

Þreyttur en vaki samt í símskeytastíl

Fór í fótbolta í kvöld. Salurinn var kaldur sem ís. Sparkaði í knött. Tognaði lítillega á læri.

Fékk mikið koníak í afmælisgjöf. Verð fullur næstu árin. Næ vonandi að klára fyrir 50.

Gústa systir er komin á msn. Hún safnar brosköllum.

Er enn að venjast þessu Moggabloggi. Möggubloggið er komið á Moggablogg. Nú ibbar hún Moggablogggogg.

Meðgangan gengur vel. Heiðrún sefur núna. Frétti af þúsund fæðingum á netinu. Bíð eftir slóð í tölvupósti. Erum spenntust fyrr Vigni Gný sem stendur. Húnn Hnúi er líka heitur.

Tilgangur Heimsverndar staðfestur

Eins og sumir lesendur þessa vefkima vita, er ég stjórnarmaður í Heimsvernd ásamt Gogga og nýliðanum Snorra Bergs. Eitt af markmiðum Heimsverndar er að vernda heiminn fyrir umhverfisverndarsinnum. Hafi einhver haldið að það markmið væri grín, skal sá hinn sami hætta að hlæja og það strax.

Ef heimurinn þarfnast einhvers er það vernd gagnvart þeim sem valið hafa náttúruverndarmálstaðinn í valdabrölti sínu. 

Stjórnmálaflokkur sem setur umhverfisvernd í eigin nafn er sérstaklega varasamur. Það kom vel í ljós á landsfundi flokksins og sagt var frá í Vefþjóðviljanum á mánudag.

Einum fulltrúanum fannst grunsamlegt hversu margir bílar voru á bílastæðinu við fundarstaðinn (einkabíllinn er "vondur"). Yfirheyrði hann flokkssystkini sín um málið og voru niðurstöðurnar þessar:

Enginn kom fótgangandi á þingið.

Enginn kom með strætó á þingið. 

Einn kom hjólandi á þingið.

Allir hinir komu akandi á eigin bíl á þingið. 

Niðurstaðan er, eins og sjá má, dapurleg. Aðeins einn fulltrúi er sannur í trú sinni. Hinir eru einlægir stuðningsmenn einkabílsins þótt þeir viðurkenni það ekki opinberlega og myndu, ef þeir kæmust til valda, reyna að hamla för minni og þinni sem mest um vegi borgarinnar, í nafni umhverfisverndar.

Skilaboð Heimsverndar til þeirra eru: Ef þú ætlar að bæta heiminn, byrjaðu þá á sjálfum þér. 

Handhafar almenningsálitsins

Ánægjulegt er að sjá að handhafar almenningsálitsins eru komnir fram. Ég var einmitt að velta því fyrir mér hverjir það væru sem teldust vera almenningsálitið. Það er amk. ljóst að hvorki ég, né þúsundir annarra sem eru undrandi á viðbrögðum stjórnmálamanna og Hótels Sögu gagnvart klámframleiðendum, teljumst  hluti af því. 

Þar sem almenningsálitið er komið í einkaeign, telst ég héðan í frá hluti af fjölmenningsálitinu. Fjölmenningsálitið lýsir yfir furðu sinni á þeim skorti á umburðarlyndi, hroka, tvöfeldni og ofbeldi sem birtist í aðgerðum þrýstihópa gegn framleiðendum LÖGLEGS klámefnis á internetinu. Fjölmenningsálitið harmar einnig þann grundvallarmisskilning á eðli opins og lýðræðislegs þjóðfélags sem birtist í andúðinni gegn klámframleiðendum.

Stígamót segja þjóðina hafa staðið saman og hafnað kláminu

Barnamorðingjar á meðal vor

Nú þegar búið er að úthluta kvóta vegna hreindýraveiða og við blasir að fretað verði úr hólkum á dýrin er nauðsynlegt að allir geri sér grein fyrir að byssur eru líka notaðar til að drepa börn. Þessvegna er mjög líklegt að hreindýraveiðimenn séu barnamorðingjar. Barnamorðingjar eru þeir sannarlega og ég hvet lögregluna til að fylgjast grannt með þeim og hvet líka hóteleigendur, ekki síst bændur og þeirra samtök, til að neita þessum barnamorðingjum um hæli í þeirra húsum. Að þessir vesölu menn skuli voga sér að láta sér detta í hug að fara austur og veifa sóðalegum hólkum sínum! Alþingismenn eiga að samþykkja lög þar sem þessi barna- og kvennamorðingjar eru bannaðir með öllu og úthýst frá landinu. Borgarstjórn Reykjavíkur á að samþykkja ályktanir þar sem þessir barna-, kvenna-, og fjöldamorðingjar eru fordæmdir. Við viljum sko enga skíthæla hér sem gera ekki það sem er fallegt og göfugt og heilbrigt samkvæmt því sem ég, ég og ég tel og veit að er öllum fyrir bestu.

Annað andlit rasisma

Íslendingar kunna sitthvað fyrir sér þegar úthýsa skal fólki sem þeim geðjast ekki að. Í eðli sínu er enginn munur á þessari andúð og andúð á útlendingum. Það ber að sama brunni: Skortur á umburðarlyndi.

Hætt við klámráðstefnu hér á landi

Ljótu börnin hennar Evu

Í draumaheimsmynd margra á Íslandi er ekkert klám, þótt það þrífist hér sem annarsstaðar. Þegar raunveruleikinn úr "sóðalegum útlöndunum" knýr dyra hrökkva þeir í kút. Þessir sömu aðilar telja sig án efa fyrirmynd í umburðarlyndi og nota eflaust hvert tækifæri til að hneykslast á heimskulegu útlendingahatri Frjálslynda flokksins og aðgerðunum gegn Falun Gong á sínum tíma. En þegar fólk, sem starfar við atvinnugrein sem þeim er ekki þóknanleg, hyggst heimsækja landið er umburðarlyndið fokið út í veður og vind.

Svona hugsunarháttur er ekki bara heimóttarlegur, heldur líka birtingarmynd stjórnlyndis. Sumir telja sig þess umkomna að segja t.d. lögráða hollenskri konu að atvinnugrein hennar, sem hún kaus af fúsum og frjálsum vilja og hefur góðar tekjur af, sé ekki góð fyrir hana. Eru jafnvel tilbúnir að beita ljótustu aðferðum fasistaríkja til að hindra hana í að heimsækja landið!

Banna á klám vegna þess að barnaklám viðgengst, banna á klám vegna þess að mansal viðgengst og banna á klám vegna þess að það er niðurlægjandi. Með sömu rökum á að banna byssueign vegna þess að fólk er skotið með byssum og banna trúarbrögð vegna þess að fólk er niðurlægt í nafni trúar.

Það er mikilvægt að gera sér grein fyrir að í lýðræðisríkjum er fólk frjálst gerða sinna. Ef einhver kýs að vinna við kynmök fyrir framan myndavélar er það hans mál. Hann hefur engan rétt til þess að argafjasast út í þá sem kosið hafa t.d. stjórnmálin sem starfsvettvang. Það er þeirra frjálsa val, þótt undarlegt sé.

Lög sem banna framleiðslu og dreifingu á klámi á Íslandi eru ólög sem hefta stjórnarskrárvarin mannréttindi okkar. Klámmyndaframleiðendurnir sem ætla að heiðra okkur með návist sinni ættu að taka nektarmyndir af sjálfum sér fyrir framan Alþingishúsið í mótmæla- og háðungarskyni.

Skemmtun í morgunsárið

Með kaffibollanum í morgun horfði ég á CNN. Þar var verið að fjalla um fyrirbærið chinglish, sem er samheiti yfir klaufalegar þýðingar úr kínversku á ensku. Chinglish er bráðfyndið tungumál. Vissir þú að hægt er að panta niðursneidd hjónalungu á veitingahúsi í Peking?

Rannsókn á netinu leiddi í ljós að það er fjöldi síðna sem helga sig þessu skemmtilega tungumáli.

Hér eru nokkur dæmi:

 

 

If You Could Read My Mind

Á plötunni American V: A Hundred Highways syngur Johnny Cash þetta lag með slíkum tilþrifum að annað eins hefur tæplega heyrst. Höfundur lagsins er Gordon Lightfoot. Smá sýnishorn af flutningi Gordons á laginu er á Amazon. Hann er ágætur, en skortir þó það sem Johnny Cash hefur. Um daginn heyrði ég það í poppútgáfu með Stars On 54. Það var vel áheyrilegt líka, þó ég haldi mest upp á flutning kántríkóngsins. Áhugasamir geta heyrt í Stars on 54 á Radioblogclub.

Uppskrift að fullkomnum 4 mínútum og 30 sekúndum:
Setja American V: A Hundred Highways geisladisk Johnny Cash í spilarann.
Velja lag númer 4, If You Could Read My Mind.
Hafa útprentun af ljóðinu í höndunum.
Halla sér aftur í stólnum.
Þrýsta á Spila takkann.
Þá ættu þessar línur fljótlega að heyrast:

If you could read my mind love
What a tale my thoughts could tell
Just like an old time movie
bout a ghost from a wishin well
In a castle dark or a fortress strong
With chains upon my feet
You know that ghost is me
And I will never be set free
As long as Im a ghost that you cant see
If I could read your mind love
What a tale your thoughts could tell
Just like a paperback novel
The kind that drugstores sell
When you reach the part where the heartaches come
The hero would be me
But heroes often fail
And you wont read that book again
Because the endings just too hard to take

Id walk away like a movie star
Who gets burned in a three way script
Enter number two
A movie queen to play the scene
Of bringing all the good things out in me
But for now love, lets be real
* I never thought I could act this way *
And Ive got to say that I just dont get it
I dont know where we went wrong
But the feelins gone
And I just cant get it back

If you could read my mind love
What a tale my thoughts could tell
Just like an old time movie
bout a ghost from a wishin well
In a castle dark or a fortress strong
With chains upon my feet
But stories always end
And if you read between the lines
Youll know that Im just tryin to understand
The feelins that you lack
I never thought I could feel this way
And Ive got to say that I just to get it
I dont know where we went wrong
But the feelins gone
And I just cant get it back

Þessa færslu með myndum má sjá á spegilblogginu mínu.

Bloggvandræðaframhaldssagan

Óbyggðaferð er ekki heppilegur vefskjár fyrir Moggablogg. Eldrefurinn virkar hins vegar mjög vel. Til dæmis sást stjórnborðið sem sjá má á myndinni ekki í Óbyggðaferð. Eina sem ég gat gert var að skrifa texta. Ekkert annað. Ekkert. Er nema von að ég hafi verið skúffaður út í Moggablogg?

Ungu mennirnir á Mogganum verða að taka sig á og útbúa bloggið sitt þannig að virki í Óbyggðaferð. Óbyggðaferð er það forrit sem Makkanotendur nota hvað mest.

Þetta er eiginlega algert hneyksli, því nú er ég búinn að gera hitt bloggið mitt svo flott. Spurning hvort ég geri þetta blogg ekki að almennu blaðri um allt og ekkert, en læt Heimsvernd, Egozentric Designs® og fleiri hluti á hinn staðinn.