Blómavasinn minn

Á borðinu hjá mér er blómavasi, glær úr gleri. Í Tinnabókunum kom alltaf orðið GLIRR! þegar gler brotnaði. Eftirminnilegt. Ég fór um daginn út í garð og týndi blóm í vasann. Þau eru nú orðin visin og það er byrjaður að vaxa arfi í yfirborðinu. Ég þarf að fara aftur út og tína fleiri blóm. Í næsta húsi er verið að háþrýstiþvo eitthvað. Ég er svangur, það er hádegi. Ég ætla í klippingu í dag. Er kominn með lubba. Fæ mér etv. kaffibolla á Kaffi Klatch. Þar afgreiðir listrænn strákur og skrýtin stúlka situr ósjaldan í sófanum. Hún samkjaftaði ekki við mig um daginn og var með lyfjabiblíuna. Spurði mig hvor ég væri með AIDS. Ég sagðist ekki vita til þess. Hún fletti einhverju lyfi upp í bókinni og talaði um það. Hún var þar aftur í gær. Ég talaði ekki við hana. Svo fór hún. Talaði við tvær kenndar unglingsstúlkur sem voru að reykja fyrir utan bar. Þær voru að fagna degi heilags Patreks. Önnur var akfeit. Fífillinn sem ég tíndi er orðinn að fífu. Áður voru lavenderstrá í vasanum. Ilmuðu vel en dreifðust um allt. Í garðinum eru sóleyjar. Best ég tíni þær.

Athugasemdir

[Ragnhildur Kolka, 18.3.2009 kl. 22:52]

Prósi, en vil eindregið vara við Sóleyjum.

[Ólöf Viktorsdóttir (IP-tala skráð) 21.3.2009 kl. 16:47]

Lyfjabiblían já! Maður þyrfti nú að fjárfesta í einni slíkri. Kveðja til ykkar allra :)

[Magga Hugrún frænka þín (IP-tala skráð) 22.3.2009 kl. 00:10]

Mér finnst þetta skemmtilegar fréttir