Náttbuxurnar rifnuðu

Þau undur og stórmerki gerðust um daginn að náttbuxur Sigurgeirs Orra (41) rifnuðu er hann var að klæða sig í þær. „Fóturinn bókstaflega stakkst í gegnum hnéð,“ sagði Sigurgeir Orri í samtali við Slefað og skeint. „Þá áttaði ég mig á því að þær voru úr sér gengnar, eða réttara sagt úr sér sofnar. Þetta var í aðdraganda jólanna og minntist ég á í framhjáhlaupi við konu mína að mig vantaði sárlega nýjar náttbuxur. Trúlega hefur hún verið annars hugar þá, því engar náttbuxur komu úr jólapakkanum.“ Þetta er hræðilegt að heyra, Slefað og skeint vonar að Sigurgeir Orri fái nýjar náttbuxur fljótlega. „Ég vona það svo sannarlega líka,“ sagði Sigurgeir Orri að lokum.

Myndin tengist fréttinni ekkert.

Athugasemdir

[Sindri Guðjónsson, 12.1.2009 kl. 23:34]

Fallegt taflborð. Mæli svo með því að sofa alls ber.

[Beturvitringur, 13.1.2009 kl. 01:25]

Þótt ókunnir kynnu nú að vera orðnir sannfærðir um fávitahátt þinn (sbr. viðtengingarhátt)...

...gleðst ég yfir sögunni af náttbuxunni... loksins bloggað um annað en kreppu!  Hef séð dýpri færslur, e-r kona sem fjallar fjálglega um að hún hafi ekki stækkað á sér varirnar!? Og? Kannski hefur hún kysst frosna súlu og slitið sig frá.

Megi góðar vættir veita þér brók.

[Magga frænka (IP-tala skráð) 13.1.2009 kl. 21:28]

Peð í tafli lífsins eða hrókur alls fagnaðar? Myndin er í mjög góðu samhengi við textann.

[Ragnhildur Kolka, 14.1.2009 kl. 19:00]

Ef þú færð ekki nærbuxur fljótlega ættir þú að draga snarlega fyrir gluggana.

[Sigurgeir Orri Sigurgeirsson, 16.1.2009 kl. 15:06]

Ætlaði að vera búinn að laga þetta :-)

[Hólmdís Hjartardóttir, 17.1.2009 kl. 13:22]

þú verður bara að liggja á nærunum og draga fyrir glugga