Leita í fréttum mbl.is

Hvað get ég gert?

Ef þú hefur áhyggjur af hlýnun af mannavöldum skaltu ekki sitja aðgerðalaus hjá, því með því að sitja aðgerðarlaus hjá ertu um leið að skipa þér í flokk þeirra sem skella skollaeyrum við samkór vísindamanna, eru afneitunarsinnar, gera grín að Al Gore og eru handbendi olíurisa, ef ekki kapítalismans (öðru nafni Djöfulsins) í heild sinni. Hafirðu skrifað greinar í blöð eða á netið, eða gert athugasemd við bloggskrif um þetta mál, skaltu ekki láta þar við sitja. Það er nefnilega margt sem þú getur gert til að koma í veg fyrir að kúlan okkar kæra hlýni um of. Íslandi er, eins og allir vita, sérstaklega hætt við hlýnun. Það yrði bókstaflega óbyggilegt ef það hlýnaði hér um 0,7 gráður á 100 árum. Ríkið á að sjálfsögðu að skattleggja allan óþarfa lúxus í topp (að mati sérstakrar nefndar sem í væru td. Steingrímur J. Sigfússon og Ögmundur Jónasson) og setja kvóta á koltvísýringsspúandi iðnað til að hindra hlýnun. En ríkið eitt og sér getur ekki gert allt. Samstillt átak þín og ríkisins mun skila árangri. Liðið sigrar ekki nema allir leikmennirnir séu á sömu blaðsíðunni, tali saman og hvetji hver annan.

Þú getur:

1. Ekki eignast börn. Því fleiri börn, því meiri útblástur af þínum völdum.

2. Málaðu þak húss þíns hvítt sem og veggi og garð. Hvítur litur hrindir frá sér ljósi og drekkur ekki í sig hita.

3. Vertu alltaf í hvítum fötum.

4. Ekki nota flugvélar til ferðalaga. Farðu heldur með seglskútu milli staða.

5. Aktu ekki um á bíl og ekki nota strætisvagna. Strætisvagnar menga miklu meira á hvern farþega en einkabíllinn. Það er sjálfsblekking að halda að strætó sé umhverfisvænn ferðamáti. Ef þú þarf að fara eitthvað, sem er reyndar nánast öruggt að þú þarft ekki, gakktu þá eða hjólaðu.

6. Ekki borða eins og svín. Aukakílóin eru hrein mengun, þau eru ónotaður kornakur sem hefði óétinn minnkað magn koltvísýrings í andrúmsloftinu.

7. Láttu skjóta þér út í geim þegar þú drepst. Þá losarðu jörðina við mikla mengun.  

Ef lesendur hafa fleiri tillögur sem koma að gagni í baráttunni við hlýnun af skítugum mannavöldum eru þær vel þegnar.

Óskandi væri ef einhver sem hefur tíma gæti fylgst með þeim sem hvað heitastir eru í sannfæringu sinni um hlýnun af mannavöldum. Gá hvort þeir láti athafnir fylgja orðum og spili með liðinu.


« Síðasta færsla | Næsta færsla »

Athugasemdir

1 Smámynd: Hörður Agnarsson

Í sambandi við fimmta lið þá las ég það að það er umhverfisvænna að keyra en að ganga. Er þá tekið inn í dæmið hvað það kostar mikla orku að framleiða matinn og mengun sem af þvi stafar. Þú þarft minni orku til að komast á milli staða ef þú ferð á bíl.

Hörður Agnarsson, 29.4.2008 kl. 22:58

2 Smámynd: Gunnar Th. Gunnarsson

Banna líkamsrætarstöðvar, mikil orkusóun þar á ferð! Spara öndun og minnka þannig co2 útblástur, ekki borða baunir, sveppa o.þ.h., minnkar viðrekstur....

Gunnar Th. Gunnarsson, 30.4.2008 kl. 01:44

3 Smámynd: Valdimar Samúelsson

Hvort villt þú hlýnun eða kólnun jarðar. Hvort vilt þú fyrir heimsbyggðina sult eða meinta mengun andrúmsloftsins. Við höfum búið á þessari jörð í æði langt skeið. Ég spyr hvað er að.

Valdimar Samúelsson, 30.4.2008 kl. 08:19

4 Smámynd: Valdimar Samúelsson

OK Jóker erum á sama máli.  Var nefnilega að blogga áðan um sama efni og vantaði einn til að skjóta niður.

Valdimar Samúelsson, 30.4.2008 kl. 08:29

5 Smámynd: Sigurgeir Orri Sigurgeirsson

Það er rétt hjá Herði. Ég man það núna, ég las það í einhverju blaði. Þetta er vítahringur. Ekki hægt að aka, ekki hægt að ganga. Líklega best að bíða eftir rafmagnsbílnum.

Sigurgeir Orri Sigurgeirsson, 30.4.2008 kl. 09:33

6 Smámynd: Ragnhildur Kolka

Málið er alls ekki svona einfalt. Heimsendafíklum er nokk sama hvort um hlýnun eða kólnun er að ræða. Þeir gangast upp í hverju því sem hugsanlega getur fært þeim endalokin. Síðasti vetur var einstklega kaldur á norðurhveli svo nú er umræðan að snúast. Ekki lengur talað um hlýnun af "mannavöldum" heldur loftslagsbreytingar (climate change), enn með viðhenginu af mannavöldum. Ekkert mionna en fimbulvetur í framtíðinni.

Það gæti verið til gagns að eignast sem flest börn. Þá getur fjölskyldan haldið á sér hita með því að hjúfra sig saman, þegar íshellan legst yfir húsakynnin.

Ragnhildur Kolka, 30.4.2008 kl. 10:37

7 Smámynd: Sigurgeir Orri Sigurgeirsson

Skarplega athugað hjá Ragnheiði. Hún hefur hárrétt fyrir sér. Leikritið hefur alltaf sama boðskap óháð því hvað það nákvæmlega er sem veldur heimsendanum eða -ósómanum. Fróðlegt verður að fylgjast með í framtíðinni.

Sigurgeir Orri Sigurgeirsson, 1.5.2008 kl. 10:20

8 Smámynd: Ingvar Valgeirsson

Jú, nefndin sem deildi Nóbelnum með Gore fyrir að vara fólk við hættunni af hlýnun jarðar er að hluta skipuð sama fólki og skipaði nefndina sem fyrir rúmum tveimur áratugum varaði fólk við hættunni af kólnun jarðar af sömu völdum...

Ætli maður reyni ekki bara að brosa, haga sér eins og maður hefur gert hingað til og hlæja að þessu öllu eftir fimmtíu ár þegar ástandið verður ekkert verra en núna.

Ingvar Valgeirsson, 3.5.2008 kl. 23:46

9 Smámynd: Jón Sigurgeirsson

Gott að sjá eitthvað raunhæft um þetta mál.

Jón Sigurgeirsson , 7.5.2008 kl. 15:50

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Sigurgeir Orri Sigurgeirsson
Sigurgeir Orri Sigurgeirsson

Fyrir mér er sannleikurinn mikilvægastur. Mörgum svíður undan sannleikanum. Það verður bara að hafa það. Sannleikurinn blívur.

Heimsóknir

Flettingar

  • Í dag (29.3.): 0
  • Sl. sólarhring: 1
  • Sl. viku: 11
  • Frá upphafi: 0

Annað

  • Innlit í dag: 0
  • Innlit sl. viku: 10
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband