Meira um Helvíti

Ef Helvíti verður lagt niður, hvert eiga þá drullusokkarnir úr þessari hérvist að fara? Til Himnaríkis? Setur Himnaríki ekki niður við að fá alla vistmenn Helvítis inn á sig? Verður Himnaríki jafn fýsilegur kostur þá? Hvað ef blásaklaus borgari sem deyr vill ekki fara til Himnaríkis af þeim sökum? Hvaða kost á hann? Ég tel það óráð að leggja Helvíti alfarið niður. Áður en farið væri út í slíkar óafturkræfar aðgerðir má kanna hvort ekki sé hægt að skipta um kennitölu og kalla það eitthvað annað. Til dæmis Fjandaríki og lappa upp á húsgögnin og mála veggina.

Athugasemdir

[Beturvitringur, 29.3.2008 kl. 02:59]

Gæti það ekki orðið versta helvítið að fá bara alls ekki að drepast? Það held ég að yrði ljóta helvítið :) Ekki að grínast.

[Ingvar Valgeirsson, 29.3.2008 kl. 12:52]

Ágætur prestur sagði eitt sinn að það væri sama hvaða álit menn hefðu á Guði og hvernig hann ætti að vera - hann breyttist ekkert við það, væri bara áfram eins og hann væri. Ætli það eigi ekki við um helvíti líka, annaðhvort er það til eða ekki - skoðanir einhverra manna hafa lítið að gera með það.

Hinsvegar minnir mig að Biblían tali meira um helvíti sem hugarástand, þegar er talað um það sem stað virðist það meira eins og myndlíking. Vona að ég komist ekki að því þegar ég geyspa golunni. :)

[Sigurgeir Orri Sigurgeirsson, 29.3.2008 kl. 14:09]

Vissulega er þetta hugarástand, myndlíking, en það er bara svo helvíti gaman að sjá það fyrir sér sem raunverulegan stað og þá hvernig stað? Stofnun? Fyrirtæki? Land?

[Ingvar Valgeirsson, 30.3.2008 kl. 16:44]

Ef það væri skemmtistaður væri það Næsti bar - og Bay City Rollers að spila.