22.5.2007 | 14:29
Vertu Þaraður
Ég ætla í samkeppni um sölu aflátsbréfa við Kolvið undir nafninu Þaraður.is. Mín hugmynd er miklu sniðugri og ódýrari en Kolviðar.
Fyrir mengunardrulluna sem druslan þín spreðar út í loftið skal ég fleygja 100 afleggjurum af þara út í Faxaflóa. Fyrir aðeins 10.000 krónur mun ég friða samvisku þína, ekki bara í ár, heldur til eilífðar. Ef þú hugsar um það, kæri mengunardrulluhali, þá er mitt tilboð miklu betra og hagstæðara en Kolviðar. Ég tryggi 100% lausn undan nagandi sektarkennd, samviskubiti og öryggisleysi. Lífið mun brosa við þér, einmanaleiki og minnimáttarkennd hverfa eins og höglin gerðu í hretinu í gær. Þér mun aldrei framar líða eins og aumingja sem átt ekkert skilið og ekkert getur.
Kæri lesandi, láttu ekki gáfusvipinn á veðurfræðingnum í auglýsingum Kolviðar blekkja þig, komdu heldur til mín og láttu mig um að snúa lífi þínu til betri vegar. Í kaupbæti færðu iðagrænan hafsbotn í kring um landið, betra loft í lungun og grænan rafgeymi til að setja á arinhilluna.
Heimsóknir
Flettingar
- Í dag (20.4.): 2
- Sl. sólarhring: 2
- Sl. viku: 36
- Frá upphafi: 114003
Annað
- Innlit í dag: 2
- Innlit sl. viku: 36
- Gestir í dag: 2
- IP-tölur í dag: 2
Uppfært á 3 mín. fresti.
Skýringar
Af mbl.is
Ljóð
Ferðasaga
Einn dag fyrir átta árum
með eimskipi tók ég far.
Nú man ég því miður ekki
hver meining ferðalagsins var.
En einhverra orsaka vegna
að endingu landi var náð.
Og það var með ánægju þegið,
því þetta var skipsstjórans ráð.
Og svo hef ég verið hér síðan
og sofið og vakað og dreymt.
En eins og ég sagði áðan,
er erindið löngu gleymt.
Athugasemdir
Þnjöll lausn.
Kallaðu mig Komment, 22.5.2007 kl. 14:48
Þnjöll lauþn, öllu heldur!
Kallaðu mig Komment, 22.5.2007 kl. 14:49
Ég er ekki alveg að skilja útreikningana á síðunni þeirra. Samkvæmt reiknivélinni þá koma 5,7 tonn af koldíoxíði úr úrblæstri bílsins míns við brennslu 2.160 l af dísilolíu! Hvernig má þetta vera?
Gunnar Th. Gunnarsson, 22.5.2007 kl. 18:00
Þetta er það gáfulegasta sem ég hef heyrt lengi og alveg brilliant gegn markaðssetningu á bílum til kolefnisjöfnunar - yfirleitt í eitt ár. Ég ek um á bensínbíl ´98 sem eyðir að jafnaði 12 lítrum á 100km en hefur aldrei verið jafnaður. Hins vegar held ég að minn hafi í gegnum tíðina ekki valdið náttúru lands miklum skaða. Þetta er bull út í eitt. Takk, þú bjargaðir mínum degi því ég þoooooli ekki bull.
vcd
Bragi Þór Thoroddsen, 26.5.2007 kl. 09:47
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.